كلمة رئيس التيار الوطني الحر جبران باسيل:
لا تجزئة ولا استنساب بالحرية والسيادة والاستقلال، ومتل ما رفضنا الوصاية السورية بـ 13 تشرين 1990، اليوم بـ 13 تشرين 2024 منعلن رفضنا للاحتلال الاسرائيلي
الاستشهاد دفاعاً عن الوطن متل السيادة ما بيتجزأ… منوجّه تحيّة لكل شهيد لبناني: لشهدائنا ب 13 تشرين ولشهداء المقاومة اليوم على الجبهات
اليوم بتشرين 2024، اذا وقعت ارض لبنانية مجدداً تحت الاحتلال الاسرائيلي، حتمًا بتتحرّر متل ما صار عام 2000… ما حدا يغلّط بحتمية التحرير لأن في شعب عم يدافع عن ارضه وكرامته
بتشرين الـ 90 كان اخضاع لبنان للوصاية.
بتشرين الـ 2019 لبست المؤامرة لباس الانهيار المالي لإخضاع لبنان بإقتصاده.
وبتشرين الـ 2024، محاولة اخضاع لبنان وقراره وثرواته لأطماع اسرائيل
صحيح اسرائيل ما بتحتاج لذريعة حتّى تعتدي على لبنان، وانّها من وقت خسارتها بحرب تموز 2006، عم تحضّر لحرب الانتقام، ولكن الصحيح كمان ان اسناد غزّة قدّم لها الاطار الكامل لضرب لبنان، وافقد لبنان المنطق الدائم بأنه هو على طول بحالة الدفاع عن النفس وما كان ولا يوم بموقع الهجوم
LaBamba News
