فقرة كل يوم كلام حلو “رمضان فرصة لإصلاح النفس والتميز”
بقلم الاعلامي جلال فيتروني
قطار رمضان عم يمرق بحياتنا عم بيزودنا بالإيمان والصبر على مصاعب الحياة
بيعطينا كل يوم فرصة لحتى نتزود بالطاقة الإيمانية البراقة وننظر للأمور من باب الحق والإنصاف
بكفي اجتماع العيلة على طاولة واحدة بعد ما فرقتهم تطبيقات الإنترنت وبرامج الربح والحزازير وصارت التكنولوجيا بديرنا بدل من ديرها
رمضان عطانا فرصة لنحب بعض من دون تملق مهد إلنا درب السعادة بظلال التقى والصلاح حفزنا لنجتهد بالطاعات اكتر ونعيش الحلا بكل تفاصيلو
نفسك صونها بتصونك واذا اتبعت الغرور راحت الهيبة من عيونك
الفرص ادامنا كتير بي هالشهر الفضيل فاغتنمها وشمر عن السواعد وقول رمضان انت باقي فينا حتى لو رحلت
