حوار بالعامية “طرابلس عم بتعيش أجواء شهر رمضان”
فقرات أسبوعية يكتبها الإعلامي جلال فيتروني
المدينة لبست أحلى حلة تزينت للشهر الفضيل وتعممت بآيات القرآن
قلبها بيرحب للرايح والجايي توشحت بتياب الصلا وقالت للكل يا هلا
عاكل مفرق الحلا بيتأهل فيك بيقلك وين بوديك التراث عنا باهر والذوق معنا بيفاخر ما توقف شوي كفي معنا للآخر
طرابلس حكاية بيتغنى فيها الفرسان صورة مضواية على كل الأزمان أسطورة الكرم والضيافة والحضارة والإيمان
الحلو عندها إلو طعمة المشي فيها أحلى نعمة والاكل على موايدها أطيب طعمة
دايما حافظوا على هالصورة المثالية تذكروا اخوانكن المحتاجين وعرفو انو مفتاح القلب هوي البسمة
سبحان الله ما أحلى لياليكي يا طرابلس بصلاة التراويح والحب يلي ما بيزيح وقف يا زمن عطيني محلك واستريح
سهرات رمضان الكل فيها عمران قوم عاسحورك ما تقلي ضجران لما بينادي عالأدان بيسمى الكون وبتأدي فرضك يا إنسان
الله معك يا طرابلس حبيبة الكل وملكة الأزمان
