حوار بالعامية “ما تهربو من المواجهة”
فقرات أسبوعية يكتبها الإعلامي جلال فيتروني
البلد عم بيمر بمرحلة صعبة المطلوب تكاتف اللبنانيين حول بعضون ونبذ النعرات الطائفية والمذهبية والتصرف بوعي وحكمة
ما ناقصنا اهتزازات أمنية ولا فبركات محلية قدامنا العدو الصهيوني عم بيخطط كيف بدو تفوت البلد بالحيطان وتنقطع كل الخيطان
لذلك لا تهربو من المواجهة الحتمية يلي بتمس الأمن القومي والاستراتيجي بلبنان
كونو أكيدين انو مع الصبر ممكن نجتاز المراحل ونقول للبلاء انت راحل
شفنا شو عملت فتنة الحرب اللبنانية بعام ١٩٧٥ دفع لبنان وأهلو تمن هالفتنة من مالو وراحتو وصحتو ورجع البلد خمسين سنة لورا
لذلك كلياتنا معنيين بالمسؤولية المجتمعية تجاه بلدنا وأهلنا واخوتنا
يا لبنانيي فكرو بوعي
ما بتنفع كترة اللعي
ممكن نصير ورقة نعي
يا جيبة لحقي وادفعي
هلكنا من كتر السعي
ما فيي قول للعين
لا تدمعي
شبعنا من القيل والقال
خود مني هالمرسال
يلي بيطرح الطائفية
حيصفي من دون رسمال
يلي بحب من قلبو الوطن
بتبعد عنو كل الأهوال
ما بدي اسألك عن الحال
كلنا ربينا بكنف الهول
وبلد ساستو كل يوم
بموال
شكرا لمتابعي فقرة حوار بالعامية الأسبوعية
مع أطيب التحيات
