ابرز تصريحات” ليلى عبد اللطيف”
- دكتورة ليلى، بعد توقعاتك اللى قلبت الدنيا الفترة اللى فاتت .. شايفة ايه اللى هيحصل بعد كده؟ أولاً مصر ستشهد انتعاش إقتصادى هايل هيخلى الأسعار تنزل بشكل ملحوظ وأزمة الكهرباء هتنتهي والكلام اللى بقوله ده يا عمرو أنا مسئولة عنه، إن مصر هتكتشف كنوز أثرية فى عدة مدن منها أسوان وأسيوط والأقصر هتخلي مصر أفضل وجهة سياحية، وأيضًا كاميرات الإعلام الفترة الجاية هتكون ناحية مدينة الإسكندرية، لأن هيحصل شئ هناك فى أواخر 2024 أو أوائل 2025 زى كارثة طبيعية هتلفت الأنظار هناك
وأيضًا فى شخصية فنية عظيمة كل الناس بتحبها هترحل عنا فى آخر 2024 هتزعل عدد كبير جدًا من الناس والجمهور
وأيضا أرى أن إنفصال هنادى مهنا وأحمد خالد صالح قريب جدًا، هما أعلنوا حاجة زي دي من فترة بس مكنش فيه حاجة أكيده، بس أنا بأكد إن هما مش هيكملوا مع بعض
اما عن الناحية الفنية، فـ ياسمين عبدالعزيز وأحمد العوضي هيرجعوا لبعض فى عمل سينمائى هيحقق أعلى نسبة مشاهدة فى جميع الدول العربية وهيكون بمثابة بداية جديدة ليهم، ولكن ياسمين هتعلن إنها على علاقة حب بشخص آخر.
………………….
رامى يحيى سيد
