تعالوا نعرف من هو “علي الكسار” ؟
اسمه الحقيقي خليل سالم إبراهيم لكن هو فضل انه يتشهر بأسم جده ابو والدته اللي هو علي الكسار
الكسار اشتغل في بداية حياته سروجي زي والده وبعد كدة اشتغل طباخ مع خاله ودي الفترة اللي خلته يختلط بأسوانيين كتير وده خلاه يتقن اللهجة النوبية .
علي الكسار يعتبر من اهم نجوم المسرح والكوميديا مع انه عمره ما درس مسرح أصلا
بدء الكسار مشواره الفني سنة 1907 وكانت بدايته في فرقة “دار التمثيل الزينبي” وبعدها انضم لفرقة جورج أبيض وفيها اتعرف على امين صدقي اللي عمل معاه فرقة تمثيل بعد كدة سنة 1916 .
الفنان علي الكسار حقق نجاح كبير جدا في السينما وده بعد ما قدم عروض مسرحية كتير، بس السينما لعبت الدور الأساسي في شهرته.
اشترك الكسار في أفلام كتير منها “خفير الدرك” ، “بواب العمارة” ، “الساعة سبعة”، “عثمان وعلي”، “يوم المنى” و “التليغراف”
ومن اهم افلام الكسار فيلم “سلفني تلاتة جنيه” وكان سنة 1939 والفيلم ده كان هو تميمة الحظ بالنسباله وبسببه بقى من أكبر نجوم السينما.
ده غير فيلم ألف ليلة وليلة و فيلم على بابا و الاربعين حرامي
وافلام تانية كتير وصل عددها لأربعين فيلم .
فضل علي الكسار متربع على عرش الكوميديا في مصر ولكن للأسف الزمن مش بيسيب حد ف حاله..
وزي ما هو خد وقته ولمع ظهر بعده ناس تانية طفت لمعته ولمعت هي
زي اسماعيل يس مثلا!
اللي المنتجين كانو بيجرو وراه هو وغيره من فنانين الكوميديا في مصر
وده خلى الديون تكتر على الكسار وللاسف ده خلاه يقبل اي دور يجيله حتى لو احدهم لمجرد انه محتاج فلوس ، ده غير انه ساب بيته الفخم وراح عاش في اوضة صغيرة شرك مع ناس تانيين !!!
ومع الوقت علي الكسار تعب جدا نفسياً وجسدياً وحالته بقت وسيئة اوي،
وغابت شمس علي الكسار عنا يوم 15 يناير في عمر الستين بسبب اصابته بمرض سرطان البروستاتا ،
مات علي الكسار وترك وراه تاريخ فني كبييييير هيعيش معانا طول العمر ❤
عن صفجة ذكريات من عالم ثاني
