حوار بالعامية “بعد كل هالمعاناة شو الأمور يلي بتسر اللبنانيين!!”
فقرات أسبوعية يكتبها الاعلامي جلال فيتروني
الحدود اللبنانية صارت بتصرف اليونيفيل والجيش اللبناني بموجب اتفاق لوقف اطلاق النار وهيك اول مطلب للشعب اللبناني تحقق باستثناء بعض الخروقات أما المواضيع التانية واللي بيتمناها الشعب هيي:
_ انتخاب رئيس جمهورية ومتل ما بتعرفو أسهم قائد الجيش العماد جوزيف عون مرتفعة والفرضيات بتقول إنو سوف يتم انتخابو كرئيس للمرحلة المقبلة
_ إعادة الإعمار بعد الحرب وبناء منازل يلي تدمرت بيوتون وأكيد في دول عربية ما حتقصر بتقديم الدعم الازم
_ إنعاش الاقتصاد اللبناني يلي وصل لمرحلة الاحتضار وحفظ الليرة من الإنحدار وتعزيز القيمة الشرائية وتفعيل التبادل التجاري حتى نطلع من مود الجمود
_ جذب الاستثمارات العربية وتقديم التسهيلات إلها للإستثمار في لبنان حتى يرجع البلد لؤلؤة الشرق ومقصد السياح العرب والأجانب
_ الحد من البطالة وتمكين الجيل اللبناني وانخراطو بكل المشاريع التنموية التي ستنفذ بالإضافة للمتابعة والشفافية وصون الحقوق
_ تعزيز عمل القضاء وتحديث القوانين وفصل السياسة عن القضاء ونزاهة القرارات
كل هالأمور حتسر قلوب اللبنانيين اذا طبقت من هون للربيع المقبل لكن السؤال بيطرح نفسو هل نصل لهذة النتيجة دون عراقيل من هنا أو فتن من هناك….
