حوار بالعامية “راحت سنة وإجت سنة اعتبرنا من الأحداث”
فقرات أسبوعية يكتبها الاعلامي جلال فيتروني
عام كامل مرق كانت القلوب واقفة على نفس واحد هيي روح لبنان المؤمنة بالخلاص والعيش المشترك التعاون بين ابناء الوطن لتجاوز الأزمات
سنة ومرقت صبرنا واعتمدنا على قوة الإرادة وصوت الحكمة والتصرف العقلاني وحماية النسيج اللبناني عشنا تفاصيل الحرب الإسرائيلية على لبنان وكنا نقول مهما صار البلد لح تنفض غبرة الحرب والمحتل لازم يطلع طرد الحرية بلشت من عنا ومكملة رغم الإستهداف
سنين ونحنا نحلم بعيش كريم وبحبوحة اقتصادية ونمو مزدهر لكن أعداء الإنسانية ما بدهم السلام خططهم نفذ بدون كلام وارفع راية الاستسلام
من كل اللي سبق شو علمتنا الحرب شو هيي الدروس يلي استفدنا منها شو نظرتنا وبرنامجنا المستقبلي لقدام كيف منوحد الجهود للمصلحة العامة احسن ما توقع فينا الطامة
مين باشر بمسألة الكشف عن الأبنية المهددة بالسقوط مين بادر بالتخفيف عن كاهل المواطن بالنسبة للطبابة والصحة العامة والخدمات البيئية سنة ومرقت عايشين بنفس الدوامة وين ضاعت الأمانة صرتي حديثنا اليومي يا استكانة
مش لازم مقدرات العرب تروح كلها للوبي الصهيوني ونعيش نستعطي على بواب الأميريكين
لأنو بالنهاية نحنا حندفع التمن مش غيرنا
