حوار بالعامية “بدنا صوت العقل والحكمة بي هالأحداث الضخمة”
فقرات أسبوعية يكتبها الاعلامي جلال فيتروني
من ثورة تشرين ٢٠١٩ لحتى اليوم شو حققنا ؟ عم ننطر من مسؤولين إنو يتحفونا بمشاريع تدر علينا ملايين وين بعدك انت؟!
بقاموس حاكمين الشرق الأوسط ممنوع لبنان يزدهر أو يطلع نمو اقتصادي بيعزز الآمال
بي هالمرحلة المصيرية يلي عم بيمر فيها لبنان نحنا بحاجة لوعي فكري ناضج وتحليل في مكانو الصحيح مش ضروري نكون أعداء لشركائنا بالوطن من غير طوائف ولا نطعن بالسياسة التي تخول لبنان انو يكون حر وسيادي يرفض الإحتلال الإسرائيلي والهيمنة الأمريكية مش معقول نوجه شتايم وكلام غير لائق ل يلي قاوم العدو الصهيوني وطالب بخروج إسرائيل من الجنوب اللبناني لازم نفكر بوعي وتصرف بمسؤولية وطنية وما نتحول لمجموعة من المتناحرين على تسميات ومعتقدات الطوائف
خمس تلال بالجنوب اللبناني عم تقول إسرائيل ما بدها تنسحب منهم وهادا يعني رضوخ للإدارة الأمريكية بتسيير الشؤون اللبنانية وهيك منقول هل رضي الجمل بما حمل متخطيا العلل
نحن مقدمين على مرحلة مصيرية هامة بتاريخ لبنان وهيكلة الشرق الأوسط فلنحسن التفكير والاختيار لمصلحة لبنان اولا
