حوار بالعامية: جلال فيتروني ينتقد الوعود الفارغة وواقع طرابلس المتروك بعد الانتخابات
فقرة حوار بالعامية
بقلم الإعلامي جلال فيتروني
وعود بدون جهود ولاقيني عامطرح الانتخاب يا حبوب
بعد الاستحقاق الانتخابي بعام 2022 شو يلي تغير بطرابلس شو هيي الانجازات يلي انعملت
هل انتو مبسوطين بمشهد النفايات المفلوشة بكل مكان وتكدسها لعدة أيام
او مشهد الكلاب الشاردة عم تتعرض للمواطنين من عدا نباحون طول الليل لحتى يستمتعوا اهل المدينة بأوركسترا الضجة يلي ما إلها لزوم
شو قدموا رؤوساء البلديات من خطة وحلول لهالآفات يلي واقعة فيها مدينة طرابلس
شو قدمت وزارة الطاقة والمياه للطرقات المظلمة بعاصمة الشمال طرابلس او لمسألة شح المي وصار موضوع شراء المي يرهق المواطن وبيزيد من الأعباء اليومية
من شبكة نور الفيحاء يلي كانت إسم على ورق وتبخرت وصارت من الماضي الى موضوع حصرية المعارض والمنطقة الإقتصادية بمرفأ طرابلس وتشغيل مطار القليعات يلي بوفر الالاف من فرص العمل لأبناء الشمال الى مسألة قانون المستأجرين المجحف سلسلة من الوعود لا تجد طريقها للتنفيذ !!
السادة النواب الوزراء والمسؤولون طرابلس تعبت من كلامكون المعسول وما تجعلوا محطة الاستحقاق النيابي فرصة للتقارب مع هموم المواطن وبعد انقضاء الاستحقاق النيابي بتنسوا الشعب اربع سنين
وبختم بهاالابيات
يا مسؤول لاقيني وما طعميني
بدي منك قوانين تنصفني وتحميني
دافع عن حق الشعب
وكون حدي وما ترميني
عصابات السلطة سرقت شقا عمري وسنيني
وانت بعدك صافن فيي
يا بترفضني او بتلاقيني
يلي راح عمرو ما بيرجع
بس مستقبل أجيال لبنان
همون بقلبي عم يكويني
يا مسؤول وقوف وقفة بطل
ولأجل الترويكا ما تجافيني
