حوار بالعامية… سنة رايحة وسنة جاية والوجع واحد
حوار بالعامية
كتب الإعلامي جلال فيتروني
راحت سنة وإجت سنة سألتني شو بني ؟؟
سنة مرت بكل تفاصيلا حملت معها الأسى وفرغتو فينا لأنو ما حملت الإ الأحداث المريرة يلي عاشها اللبنانيين
سنة جديدة بدها تبلش رحلتها مع صراعات الشرق الاوسط
الصراع على النفوذ إضعاف الحكومات والشعوب ومسألة حصرية السلاح وتهجير الفلسطينيين والاستيلاء على موارد النفط والغاز
خريطة الشرق الاوسط الجديد بدون يطبقوها لو انمسحت تلت رباع الشعوب والحبل على الجرار
سنة حتبلش وعم نعيش الظلام الدامس وغرقنا بكم هائل من المشاكل البيئية والجرثومية والإنهيارات المتتالية في البنى التحتية واقتصادية
ما في خطة وقائية ومعاشك ما عاش الإ لدقايق قليلة
الكفاءات ودوها عالمنفى وقسمو الوزارات على بعضون ولبسو طاقية الإخفا
شو ممكن تحمل السنة الجاية معها سوى فصول الجنون والفنون حقل تجارب وحركات بهلوانية تحت مسمى إرساء السلام وعدم الكلام وطاعة الظالمين
من حفلات جنون ترامب والاستعراض الهمجي لإحتلال أوكرانيا وفورة المجرم نتنياهو في وجه أصحاب الأرض الحقيقيين
سنة ما حتكون أحسن من غيرا لكن بالمختصر المفيد التمسك بالوحدة الوطنية والعيش المشترك أساس كل نجاح
