طرابلس بلا ماء ولا كهرباء… إلى متى هذا الإهمال؟
حوار بالعامية
طرابلس لا مي ولا كهربا والتعتير عم يسرح بملعبا
كيف وصلت طرابلس لها النتيجة المخزية من عدم توافر الخدمات البديهية يلي هيي من واجبات الدولة يلي من المفترض إنو ترعى مواطنيها
شو هوي الحل لحتى نخلص من شعار طرابلس عطشانة او المواطن الطرابلسي فات بالحيط من كتر العتم لأنو الدولة مش مأمنة إنارة
شو الترتيبات يلي انعملت لحتى نتفادى اثر الفيضانات جراء الأمطار الغزيرة ومعالجة موضوع الأبنية المتصدعة المهددة بالسقوط
وين صارت ال 100 مليون دولار يلي انرصدت لطرابلس والشمال وما شفنا منها شي الظاهر في كتير بالمدينة على شاكلة أبو عمر وغيرو
يا نواب المدينة ومسؤوليها أوجدوا الحلول وعملوا خلية أزمة لمعالجة الملفات من جذورها بكفي ترقيعدعوا لاجتماع عاجل وعام لفعاليات المدينة ووضعوا خطة للإنقاذ لأنو الإهمال لف المدينة وصارت يتيمة وحزينة
طرابلس عاصمة الثقافة العربية ومشروع عاصمة لبنان الاقتصادية مش مقبول أنها تكون مهمشة وما حدا سئلان عنها
يا طرابلس عطشوكي كتير
وصبرتي على عيشة التعتير
وقالولك العتمة لح تزول
قالتلهم بعد بكير
بس يفيقو مسؤولينها
من النوم
ممكن يصير في تغيير
زحمة طرقاتها ما لاقولها حل
وتصريحات ووعود على بساط الحرير
بتنام على وجع مستشري
وبتفيق كأن اللي حواليها عامل ضرير
فوتو عاقلب المأساة من جوة
وعالجو الفيروس وطردوه بقوة
عروس الشرق ما بتستاهل تكون هيك
أنا إلك يا طرابلس شبيك لبيك
