حوار شعبي
فقرات أسبوعية يكتبها الإعلامي جلال فيتروني
رغم كل شي بعدو الأمل باقي من ٢٠١٩ لهلق مرقت أحداث كتير يلي كانو يحضرو الفتن ويطلقوها ليضربو اللبنانيين ببعضون ما عادت تنفع والأوركسترا الفئوية ما عاد إلها مكان من بعد استشهاد الرئيس رفيق الحريري انحاكت المؤمرات واستهدفت الطائفة السنية وبلشت محاولات كتيرة لإضعافها المرحلة كانت بحاجة لموقف موحد إلا إنو المكون السني من بين التيارات السياسية وهوي تيار المستقبل انكفأ وأعلن اعتزالو للعمل السياسي فرغت الساحة للحزب وجد من خلال هذا الفراغ فرصة لتحسين صورتو وإجت معركة طوفان الأقصى لتزيد من رصيدو بمقابل تناقص في رصيد الأطراف التانية والسؤال اليوم شو ربحنا وشو خسرنا؟ربحنا إعادة جذوة الأمل بالقلوب بكل المحيط العالمي باستثناء الصهاينة والمطبعين خسرنا اقتصادنا وأجواء الأمن الافتراضي بس إيه اسا في أمل 🌹✌️إنو تتحرر الأرض وتعود الدولة اللبنانية أقوى من الأول بيسألني حدا هالشي مطول وايمتى الوقت لح يتحول كلو بوقتو حلو لما بتشرق شمس الحرية العربية والعدالة الاجتماعية كل شي بيتغير رغم الألم لا بد في فرج وأمل الوطن ما بيزيح
