جلال فيتروني يكتب عن ثقافة طرابلس ووجع الجنوب
حوار بالعامية
فقرات أسبوعية يكتبها الاعلامي جلال فيتروني
طرابلس عم تعيش الثقافة بس في ناس عم تشعر بالظلم
فسحة من الأمل أطلقتها الرابطة الثقافية تلاقت الأطياف الطرابلسية والشمالية على مفهوم واحد لا للحرب نعم للثقافة والسلام ممكن الثقافة تصنع بارقة أمل أما طريق الشر بيولد حروب
من أجل ذلك كانت خطوة رئيس الرابطة الثقافية رامز الفري بمكانها الصحيح حيث اثبت ان عنصر الثقافة مهم بحياة المواطن اللبناني وان تلاقي التوجهات على فكرة او مشروع نهضوي افضل من الجدل والدخول بمتاهات الطائفية
طرابلس عم تتنفس ثقافة وريادة فهل من شي احسن من هيك معادلة
في ناس بجنوب لبنان عم بتقاسي الظلم وعم تتنفس حقد هيدا الأمر مش بإيدها الحرب مشتعلة بلا رحمة وصارت القلوب متل الفحمة لكن لا بد ما يجي الفرج
خلونا نوحد الأفكار ونطلع بصيغة مشتركة او بميثاق وطني منحافظ فيه على عيشنا المشترك ووحدتنا الوطنية
للثقافة دور مهم برقي الشعوب الإنسان بدون اخلاق ودستور وقيم متل الشخص يلي عايش جوات الخيم بيمنع عن حالو يشم عطر الثقافة ويتواصل مع نتاج العلم والفهم
قدراتنا المحلية والعربية مش لازم تضيع ومش معقول من بين هالفتن نتوه ونضيع
المطلوب وعي كامل بأدق مرحلة بهذا الوطن وتصرف سديد لنقطع بر الأمان
وختاما شكراً للرابطة الثقافية يلي جمعت الأطياف اللبنانية على عطر الوحدة الوطنية وتنشق عبير الثقافة وروح الإبداع مع كل كتاب
