جلال فيتروني: صراع المصالح يقتل لبنان والإفلاس يقتحم المؤسسات
حوار بالعامية والفصحى
كتب الاعلامي جلال فيتروني
صراع المصالح وراح الآدمي بعزا الطالح
شو ممكن نتوقع اكتر من هيك بلد مستهدف بإقتصادو بمستقبلو غارات القتل المجاني بكل بلدة شحن طائفي من اوسع بوابو وكل واحد بيتهم التاني بالعمالة معقول تكون هيدي صورة لبنان يلي كانو يسموه لؤلؤة الشرق الإفلاس المالي يقتحم المؤسسات والمطاعم اللبنانية ويلف رجل على رجل وبيضحك قائلا: اللوبي معي وما حدا قدي يا حرب اشتدي وآخر همي
موجة النزوح تصاعدت بشكل هائل وفي شي غطى على شي بينما اللبنانيين متروكين لقدرون ومتل ما قال احد المواطنين الجياع والمعوزون ملأوا الساحات وسياسة الحكومة بالمعالجة قدم بالبور وقدم بالفلاحة
الآلاف من بيقولو عنون مستفيدي برنامج امان يا عين على هالأمان متلا الدني عائلات تستجدي لقمة العيش وازمات ورا أزمات للأسف ما في موازنة وسياسة مالية صحيحة واذا طلع عبالون ياخدو قروض فكيف لح يسددوها
الأمل بدو عمل واسا نبض الحقيقة ما اكتمل يا ترى حنتجاوز المرحلة الصعبة من عمر لبنان ونشعر إنو في قيمة للإنسان
شو ناطرين تسوية على حساب الشعب المظلوم او نوقف نؤدي التحية للصهيونية العالمية او من تحت الردم نقول لبيك يا الله أنقذ لبنان ممكن إنو هالتدهور يلي عم نعيشو سببو التفرق والاختلاف ومحو الوحدة والشراكة الوطنية لما مننظر لطوائفنا على أساس الميثاق الوطني مننجح واذا منتعصب لحب الطائفة على حساب الوطن اكيد منخسر ومنربح اذا اتبعنا قيم الحق والعدالة والشفافية
كلنا معنيين بوقف هذا الإنهيار من نواب وسياسيين ورجال دين وصولا لهيئات المجتمع المدني
