تجمع عائلات طرابلس والشمال يرحب بقانون العفو العام
بسم الله الرحمن الرحيم
نحن في تجمع عائلات طرابلس نتقدم اليوم بأسمى آيات التقدير والامتنان لكل من ساهم وبادر بإقرار قانون العفو العام.
هذا القانون هو خطوة تاريخية لرفع الظلم عن أبنائنا المسجونين وعن مئات العائلات يلي انتظرت سنين طويلة. هو مش بس نص قانوني، هو إنصاف، هو رجعة كرامة، هو لمّ شمل بيوت اتكسرت بغياب ولادها.
نقولها بكل وضوح: آن الأوان إنو نرفع الظلم عن المظلومين، ونعطي فرصة جديدة لناس دفعوا ثمن ظروف أكبر منهم. السجن ما لازم يكون نهاية الطريق، لازم يكون درس ومحطة ونرجع بعده نبني.
منشكر كل النواب والكتل والمرجعيات الدينية والاجتماعية والحقوقيين وكل صوت حر وقف معنا بهالملف. شكر خاص لكل مين ما نسي وجع الأمهات بطرابلس ووقف مع قضيتنا.
نحن من بارح ومن اليوم منقول: العفو العام هو بوابة المصالحة المجتمعية، وهو رسالة إنو الدولة قادرة تكون عادلة ورحيمة بنفس الوقت.
وبنفس الوقت منأكد إنو متابعتنا مستمرة لحتى نشوف هالقانون عم يتنفذ على الأرض، وكل مستحق يوصل لحقه بدون تأخير ولا بيروقراطية.
تحية لكل أم صابرة، لكل أب مكسور، ولكل ولد ناطر بابه ينفتح.
طرابلس اليوم بتتنفس.
تجمع عائلات طرابلس والشمال
13
