الفقرة الأسبوعية “حوار بالعامية”
فقرات أسبوعية يكتبها الإعلامي جلال فيتروني
موازنة استقبلوها بالإضراب لحوق البوم بدلك عالخراب
يا فرحتنا النواب صوتت للموازنة مع شوية مهادنة
أما الشعب اللبناني وضعو عم يرجع خلفاني وداعا للأماني والقلوب من بعضها ملياني
الاتحاد العمالي كمش السيبة وقلبها بالعكس وقال من دوني ما في موازنة حقوق العمال شايفها مش عالبال في مشهد استغلال
الضرايب بتعمل العجايب أما السلطة اللبنانية لحد الان موضوعها خايب
القروض والاستدانة مش الحل استئصال الفساد هوي الزبدة وفحوى العمل
كيف بدها تستقيم ميزانية الدولة العامة ونطلع من هالطامة
كيف بدنا ننعش الاقتصاد المتهالك حتى في عز الحرب الباردة والسخنة ونعمل من أعداء لبنان شوربة يخنة
لو اشتغلنا عاموضوع فرز النفايات وإعادة تدويرها واستجرار الطاقة منها كنا صرنا بنهضة اقتصادية عال العال
لو وفرنا بيئة استثمارية لمشاريع انمائية دولية واعتمدنا الشفافية والمصداقية لكنا صرنا نابليون بونابرت مكتشف الاختراعات الغير تقليدية
القطاع التعليمي لغاية الآن ما في خطة واضحة لإعادة تسيير عجلتو المحورية هيدا القطاع ماشي عالترقيع الحكومي ولحتى يصير بومبا زمانو بدو سنين
أما الكهرباء فصار مليون واحد مجربا مكتوب عليها خارجة عن الخدمة بانتظار الفيول أويل وهبات بابا نويل ساعتين وبس بيعتبروهون دوبل فاس
وهيك عم نقضيها فوضى تخطيط لح نفوت بالحيط ويا ريتك يا حصان الحكومة ما غزيت والكل على شفافو كلمة بلدي حالك متل مزراب البيت ايمتا لبيت!!!!
