حوار بالعامية “بلد ناسو من دون أخلاق شجر طالع فيه العليق”
فقرات أسبوعية يكتبها الإعلامي جلال فيتروني
كلنا شفنا فضيحة التيكتوكرز وتابعنا فصول الممارسات المشينة والاغتصابات بحق الأطفال والقصر وما خفي اشياء يندى لها الجبين
بفورة التكنولوجيا الحديثة وثورة التواصل الاجتماعي وكثافة التطبيقات صرنا تايهين بين حانا ومانا للأسف تعكر هوانا وقلنا يا رب تنجينا من الأهوال والسفاهة والانحلال
دخلت التكنولوجيا الغربية عابيوتنا من خلال الهاتف وصار وضعنا ميال للإرتطام الدايم
ومتل ما بيقولو افتكرتك عايم طلعت غرقان وقلبك نايم
خطة الفتك بالمجتمعات العربية بلشت من خمسين سنة تطورت لتوصل لأفكار الشباب لحرفو عن المسار الصحيح
وشيح بريح يا بيطلع ابنك فاسد او شبيح او انسان مميز عندو فكر سليم وصحيح
بيقولو عن لبنان بلد التحرر لكن التحرر إلو مفاهيم بتنطلق من الفطرة السليمة والتربية الدينية الملتزمة
مش من التحرر بدون ضوابط شرعية بتعتدي فيها على الأعراض والكرامات الإنسانية
لهيك الحل بنزع التطبيقات الخبيثة وتسويق التطبيقات الموضوعية والمفيدة للجيل اللبناني يلي بيشكل اغلبيتو من الطوائف اللبنانية الكريمة سنة وشيعة ودروز ثم مسيحيين وأرمن
منطالب برقابة الدولة اللبنانية على كل البرامج التلفزيونية وتطبيقات خارجة عن المألوف على الإنترنت
لأنو بنيان التميز الاجتماعي العربي عم يهتز واذا دل الوضع هيك ممكن يوقع فينا كلنا
أيها المسؤولون تداركوا الخطر الجايي والا حنقول يا ريت وكلمة يا ريت عمرها ما عمرت بيت
