فقرات أسبوعية يكتبها الإعلامي جلال فيتروني
مهزلة ما إلها حدود
حق المواطن ما عاد موجود
مسرحية ماشي وتايه مع كل حاجة عم تنعرض كل يوم ابطالها الأستاذ ما في غيرو والتيار المنطفئ على الدوام شيلو هيئة وحطو هيئة وخلافات روحت البيعة
من مناشدات الحكيم ما تاخدونا عاحرب هولي الأعداء حلوين بوسة عاليمين ووحدة عالشمال وغيرك يا إسرائيل قلبي ما مال ومنو مننتقل لزعيم المختارة تصريحات ورا بعضها متل القطارة الوجود الدرزي بيعنيلي كل شوي وقف مقابيلي وغنيلي اما قائد الأوركسترا بيطلق دايما معزوفة التهديد والوعيد عندنا ما يدمركم ويمسح الأرض بكم
جراء هالمسرحية المتشعبة بيوقف الشعب اللبناني كالمتفرج على هيصة الويل والثبور وعدوي المقهور
ممكن نزقف او نسترسل بالتفكير نحنا ليش وصلنا لهون لو حفظنا أمانة وطن ما كان وضعنا أحسن لو حطينا الإيد بالإيد كنا حصدنا التأييد وكسبنا وطن
لو نحنا كعرب ومسلمين كان عنا بعد نظر ما وصلنا لهون وهيك حنضل نشهد مسرحية انا معك وأنا ضدك مستحيل أوقف حدك طارت حقوق البشر لما الكذب والفساد انتشر لمان سرقوا الودايع ودستور الوطن اكترهم بايع وجيلنا عالمعاناة صار صايع بدكون اكتر من هيك مشهد توليتاري ومعو انتهت اخباري سلمولي على طاقة بلد انتهكت خصوصيتها وباتت مشرعة لجميع أنواع المغامرات السياسية والبوليسية ومقولة كل شي لإلنا التشبيح جبلنا يلي عم نعيشو هوي أكبر من حرب هوي استنزاف يومي للبشر وهلاك لمقومات بلد حتى الرمق الأخير
