نحنا بعلم ولا بحلم هرب من السلم
حوار بالعامية
فقرات أسبوعية يكتبها الاعلامي جلال فيتروني
في ناس بتقول هيدي مسرحية الحرب إلها كواليس والمفاجئات في معها ترند لتتماشى مع التطبيل والتهويل
في ناس بتقول يا ريت إسرائيل تحكمنا والأمريكي يرسملنا الطريق لحتى نخلص من الحرب وويلاتها
في ناس بتتمنى ينتهي الحزب لأنو شريط الأحداث طويل وكتر القال والقيل يا لبنان وين السبيل
في ناس أكلها وشربها مقاومة وبالميدان بدلها مداومة هني يلي بيصنعو الحدث كل يوم وبيخلونا نقعد أمام شاشات التلفزة ساعات
بينط واحد وبيقول معقول مسرحية لبنان ما الها نهاية وشد الحبال مهمتو موفاية في أطراف بتتلون متل الفراشات ولما بيحين وقت القطف بيتغيرو بيصيرو زرافات
شعب لبناني عم بيموت لأجل مصالح قادة كبار أما الهم الوطني نفوا على جنب وصار عم بيقول أمرك سيدي
يا ترى نحنا الشعب عايشين جو لعبة الدول وحاسيين حالنا ضايعين بدنا بدل
يا ماسكين زمام الأمور قولولنا شو العمل شهر وخمس تيام عايشين بجو هيام منفقد ومنودع من هون وفكرنا تايه بالأمازون
كرمال هالأبريا يلي راحت والشهدا يلي سقطت عملو شي وقفو هذا الاستنزاف اليومي يلي عم ياخد من عمر الشعب اللبناني بدون ما يعطي
لأول مرة بقول الحسابات الخاطئة عن غير دراسة وصلتنا لهون
ومتل ما قالت السيدة الكبيرة فيروز أرزة لبنان
شو ذنب الصغار بلعب الكبار
شو ذنب الطفولة
لتموت الضحكات الخجولة
قوليلي قولي
أحوالنا كلها مهولي
وبزيد من عندي وبقول
ما تمثلو علينا أدوار البطولي
الوطن تركتو للنسيان
والدم قدم للوطن
سيفو والرجولي
الله يحميك من كل عدوان
