قصيدة اليوم من موقع صوتنا للمدى
انتخابات بالأونطة ولما بتواجهو بالحقيقة بياخد غطة
صندوق الإقتراع هوي صاحب القرار
بيجسد اختيار الناس وبيعطي للديموقراطية أوتار
يا ترى مين اختطف الرأي العام
وصار الكل ممسوك عبر الرادار
ما بدون تعبر عن رأيك
ولا تفكر هني بيختارو عنك
التزوير والزعبرة رسمالون وبيلغو يلي مش على موالون
في أصوات طارت بالهوى شاشي
وفي أصوات نزلت بالبراشوت وربحت
ما إلها ماضي حافل
وصفحاتها بقاموس غافل
السياسة دخلت البيوت وعملت للحر تابوت
وبيروت تحضرت للعرس الإنتخابي
معقول كمان يدق الفساد بوابي
ليش الرشاوي مادة ايدها
وطمع الناخب عم بيزيدها
ايام زمان كانت الكلمة موقف
والوفا ميادينو للكبير والصغير
كان الالتزام سيد المشهد
والعهد وثيقة شرف ما بيخلف دواوينو
يلي بيحيد عن محبة لبنان وبيبيع ضميرو
عن جد ألله يعينو
