أغنية قديمة يحبها عبد الحليم “يا سيدي أمرك”

أغنية قديمة يحبها عبد الحليم “يا سيدي أمرك”

دي مش غنوة واحدة.. دي كومبو أغاني.
إنتاج سنة ١٩٥٥
ألحان: محمود الشريف
كلمات: فتحي قورة

⸻

كنت بحبها كل ما تيجي، بحبها وأنا مش فاهم الإفيه فيها.
بعد شوية دورت على اللي بيقوله في الغنوة، وعرفت إنها مش أصلية ١٠٠٪
وفيها قلش حقيقي..

نبدأ من الأول خالص…

عبد الحليم أول ما طلع وبقى مغني، عاملوه معاملة أوكا وأورتيجا.
تمام؟ تمام.

الشاعر الراحل العبقري فتحي قورة قرر يعمل مزج بين ٤ أغاني قديمة وقتها، مع غنوة جديدة لحليم مع الغنوة دي بمعلمة،
والموسيقى بتاعة محمود الشريف طوعت الغنوة عشان تطلع كده.

إزاي؟
هقولك…

فاكر اللمبي وهو بيغني:
“حب إيه اللي انت جاي تقول عليه لأم كلثوم وبعدها هش هش يا ديك الفرخة دي مش ليك؟”
تخيل إن حليم اللي عمله في الفيلم ده هو نفسه…

فتحي قورة خد الشطر الأول من كل جملة في غنوة قديمة – قديمة في وقتها- ، وحط كلام دمه خفيف يكمل الكوبليه،
بما يتناسب مع مود الفيلم.

⸻

إيه الـ ٤ أغاني الأصلية؟

1. “بالذي أسكر من عذب اللمى” – موشح أندلسي
2. “وحقك أنت المنى والطلب” – غنوة قديمة لأبو العلا محمد، وغنتها أم كلثوم
3. “حبك يا سيدي غطى ع الكل” – أغنية لمنيرة المهديه
4. “أنا قلبي عليك عليك قلبي” – أغنية لعبده الحامولي

⸻

كلام الأغنية نفسها:

يا سيدي أمرك.. أمرك يا سيدي
ولأجل خاطرك.. خاطرك يا سيدي
مقدرش أخالفك لإني عارفك..
تقدر تحط الحديد في إيدي

اسمع.. اسمع يا سيدي

“بالذي أسكر من عذب اللمى”
كان في حاله جت له بلوه م السما
“والذي أجرى دموعي عندما”
كان هيبعتني لأقرب محكمة

مبسوط يا سيدي.. يا سيدي
مقدرش أخالفك لأني عارفك
تقدر تحط الحديد في إيدي
اسمع.. اسمع يا سيدي

⸻

“وحقك أنت المنى والطلب”
والله يجازي اللي كان السبب
“ولي فيك يا والدي قصة”
تغير مجرى حياة الطرب

مبسوط يا سيدي.. يا سيدي مبسوط يا سيدي
مقدرش أخالفك لأني عارفك
تقدر تحط الحديد في إيدي
اسمع.. اسمع يا سيدي

⸻

“حبك يا سيدي غطى ع الكل”
يجعل نهارك زي الفل
حبك يا سيدي على راسي من فوق.. وحياة روحي
خايف أقول على قد الشوق.. لتطلع روحي

مبسوط يا سيدي.. يا سيدي
مبسوط يا سيدي
مقدرش أخالفك لأني عارفك
تقدر تحط الحديد في إيدي
اسمع.. اسمع يا سيدي

⸻

“أنا قلبي عليك.. عليك قلبي”
كان فين ده يا ناس ومتخبي
وبغني قديم.. وأنا إيه ذنبي؟
أعمل لك إيه يا أنا يا غلبي؟

مبسوط يا سيدي.. يا سيدي
مبسوط يا سيدي

⸻

عبد الحليم بيقول:
“بغني قديم وأنا إيه ذنبي”
عشان بيغني الأربع دول بس بتهريج…

وجملة:
“خايف أقول على قد الشوق…”
دي إفيه على أغنيته الشبابية وقتها:
“على قد الشوق اللي في عيوني يا جميل.. سلّم”

*لما حطيت البوست ع ال AI جابلي حليم مع محمود الشريف وفتحي قورة.. وست ورا ماعرفش جابها منين ومين دي “

منقول عن الصفحة الرسمية للعندليب عبد الحليم حافظ