الإعلامية جانسنت عنتر تواجه الغرور المصري
🔥 الإعلامية جانسنت عنتر تواجه الغرور المصري… وهالة سرحان أظهرت غرورها بعد غياب 15 سنة
الستّ هالة سرحان… بعد أكتر من 15 سنة غياب عن الشاشة، رجعت مش ببرنامج جديد ولا بلقاء إعلامي مميز، رجعت وأظهرت غرورها على المباشر بسبب مراسلة لبنانية محترمة من “نيو تي في” اسمها جانسنت عنتر
القصة ببساطة: جانسنت، بنشاطها ولباقتها المعروفة، اقتربت منك لتأخذ منك تصريح مباشر خلال الملتقى الإعلامي العربي في بيروت، وسألتك بكل تهذيب
“حضرتك من أي بلد؟”
بس الظاهر السؤال وقع عليك متل الصاعقة
ردّيتي بنبرة استعلاء، كأنك عم تسألي الدهر: “مش عارفة أنا مين؟
بس الحقيقة يا هالة…
كيف بدها تعرفك؟
أنتِ غايبة عن الشاشة من وقت كان عمرها 10 أو 11 سنة
الجيل الجديد ما عاش زمنك، وما تابَع برامجك القديمة، فمش ذنبها إذا ما ميّز وجهك يلي تغيّر مع الزمن…
وبصراحة؟
يمكن كمان الحق على الدكتور هراتش
قدّ ما غيّر وجوه الفنانات والممثلات، صار الواحد يضيع بين الأصل والنسخة 😂
يعني مش أكيد لو شافك المشاهد اليوم، يعرف إذا إنتِ هالة سرحان القديمة أو نسخة جديدة بطبعة 2025
أما جانسنت عنتر، فكانت أذكى وأرقى
ما ردّت ولا استفزّت، وخلّت الموقف يحكي لحاله…
احترامها ومهنيتها فضحوا الغرور، وبيّنوا الفرق بين إعلامي بيتواضع، وإعلامي نسي كيف بيكون الحوار الإنساني على الهوا
تحيّة كبيرة من كل مواقع الإعلامي بول أبو حيدر للإعلامية جانسنت عنتر، يلي مثلت لبنان بأخلاقها، وواجهت الغرور بابتسامة وهدوء، لترسم صورة الإعلام اللبناني الحقيقي: لباقة، سرعة بديهة، واحترام الذات
✍🏻 بقلم الإعلامي بول أبو حيدر
صاحب مواقع: “أبيض وأسود”, “OLXFAN”, و”نغم نيوز”, و”كوكتيل فن”
