حوار شعبي
فقرات أسبوعية يكتبها الإعلامي جلال فيتروني
الصبر مرحلتنا القادمة وكل شي متوقع
لبنان صار بقلب الحدث اكتر شعبو داعم للقضية الفلسطينية لازم نتصرف مع الوقائع بمهنية عالية وبوعي وتضامن كبير
ممكن العدو الصهيوني يستهدف المخيمات الفلسطينية أو قادة الفصائل المقاومة بلبنان أو يفقد عقلو ويرتكب فظايع ويكتب نهايتو بإيدو لذلك في مطلع قصيدة بتقول: يا عيني عالصبر متوه دموع العين أنا وشموخي صرنا تنين
قدرنا الصبر بمحنة لبنان نرفع راية الإنسان وحقوق البشر ما تكون بغياهب النسيان نحنا الشعب اللبناني تحملنا كتير وبعد مكفايين على هالصمود يلي تعود وأخد العزة من غزة صعب يكون مهزوم على أول إختبار
تأكدوا إنو بعد العذاب في راحة وبعد الضيق بيجي الفرج والتاريخ بيعيد نفسو
الصراع بين الخير والشر ما بينتهي إلا بإرادة الله
قدرنا نواجه الظلم الأمريكي والتغطرس الصهيوني والعين عم تقاوم ١٠٠ مخرز ايمانها بيهد جبال ما بدها سؤال
إرادة المواجهة لح تنتصر وسبيل التحرير مكمل لهيك رصوا الصفوف بكفي نضرب بعضنا كفوف ونتهم بعضنا بالتخوين
نحنا بحاجة للوحدة الوطنية والإنسانية في مواجهة الأزمات
