مذكرات الفريق سعد الدين الشاذلي: سنوات السلك الدبلوماسي

مذكرات الفريق سعد الدين الشاذلي: سنوات السلك الدبلوماسي

صوتنا للمدى تنشر مذكرات الفريق سعد الدين الشاذلي

في كتاب “اربع سنوات في السلك الدبلوماسي”، الجزء التاني من مذكرات الفريق سعد الدين الشاذلي، وللي مش عارف، فبعد حرب اكتوبر، الرئيس السادات بعد الشاذلي عن الجيش، وعينه في الخارجية، سفير لمصر في انجلترا..

الشاذلي رفض الموضوع، وبحسب الشاذلي، فالرئيس السادات بعت مبارك للشاذلي، فالشاذلي قاله: “قل للرئيس إذا كان هذا المنصب عقابًا لي، فمن الأفضل أن أعاقب داخل بلدي، وإن كان مكافأة فمن حقي أن أرفضها.

فساعتها السادات قابل الشاذلي، وقاله انت مش رايح هناك عشان تبقى سفير، دي خطة انا عايز اجيب صفقات سلاح كبيرة نعيد بيها تسليح الجيش المصري ودا هيتم من خلالك، انت هتبقي في انجلترا.. وهتقدر تشرف ع الصفقات اللي هنعملها من المانيا.. وطبعا دا كلام مش حقيقي.. لان الشاذلي اتصل بالسفير الألماني في لندن فاكتشف ان مفيش صفقات سلاح ولا نيلة..

المهم يعني، بعد انجلترا، الشاذلي راح سفير لمصر في البرتغال، وبدأ يكتب مذكراته، في مقدمة المذكرات، بيقول الشاذلي، إنه اتعلم اللغة البرتغالية في البرتغال..

واكتشف حاجة مهمة قوي، ان كل اللي في البرتغال بينطقوا القرآن غلط، فمش منطقي يعني كل الناس هناك مبينطقوش صح، فقعد يدرس الموضوع، وخلص إن كتابة القرآن بالحروف البرتغالية فيه قصور لأن فيه أصوات في اللغة العربية، ملهاش مثيل في اللغة البرتغالية، ومن هنا بيجي الخطأ في النطق.

قعد يدرس الموضوع، ولقى الحل، انه يدخل 16 حرف جديد على الحروف الأبجدية البرتغالية، عشان يعالج القصور في بعض الاصوات، وطلع كتاب أسمه (كتابة اللغة العربية بالحروف البرتغالية)… او (Fonética arabe Com Letras Portuguesas)..

والحقيقة دي مش كل حاجة، هو كان واخد الكتابن مدخل انه يكتب القران كله بالحروف الأبجدية البرتغالية بعد اضافة الـ 16 حرف، بحيث اي شخص يقرا القران يقراه بالطريقة الصحيحة.. بيقول: “وقبل أن أغادر البرتغال في يونيو 1978 كنت اصدرت الجزء الثلاثين من القرآن الكريم بالحروف الأبجدية البرتغالية”.

في الوقت دا هتحصل اتفاقية كامب ديفيد، فالشاذلي هاجمها، وساب البرتغال، وقدم لجوء سياسي للجزائر، ومن هناك بدأ في الهجوم على السادات.. ومرجعش مصر غير سنة 1992، ولما وصل المطار اتقبض عليه.. واتجرد من كل رتبه ونياشينه.. وقضى سنة في السجن.. وبعدها عاش في عزلة تامة..

ومات يوم 10 فبراير 2011.. قبل يوم من تنحي مبارك..

عن صفحة بهاء_حجازي