حوار بالعامية
فقرات أسبوعية يكتبها الإعلامي جلال فيتروني
بدل النقل زاد بس الضرايب شو وضعا؟؟؟
من شهر طالب موقع صوتنا للمدى عبر فقرة حوار شعبي بزودة على المعاش طلع القرار من الحكومة وصار بدل النقل اليومي ٤٥٠ ألف ليرة
هللو يا عمال لبنان وموظيفنو ويلي منو موظف ألله يعينو
هيك ركبت السيبة على غلاء المعيشة واعتبرو إنو طلعو الزير من البير افتكروا حالون شكسبير
بس أكيد إذا عطيو زودة من ميلة حيطلعوها من ميلة تانية
ساعتها أبو الضرايب حليف الحكومة العتيدة حيفرض حالو ويشغل سيطرتو اوع تخلو المالية تنقص فولوها من الضرايب وقف تقلك يا أبو الحبايب
لحد الآن اسا ما طلعوا النفط والغاز والمساعدات كلها عم تروح عافلسطين خلونا نلاقي طريقة نفول فيها الخزينة ونعمل نقلة بالمدينة
حليمة حترجع لعادتها القديمة علي الدوز لتاكول جوز بيرتفع غلاء المعيشة وبيكتر سوق الحشيشة ويلي أخدون رحلة زودة بيقولولون حان وقت العودة
يا جماعة يا هو اشتغلوا بسياسة ضريبية مزبوطة حاجة تخبيص مش معقول تتبخر الزودة من أول كام يوم
ويطلعولنا بقرارات تردنا ٢٠ سنة لورا
عنا ٣ شهور صعبين اذا ما تصرفو فيون بحكمة وضمير اخدوا البلد على الشوي والتحميص
