حوار بالعامية “تركو السياسة وعيشو أجواء الشهر الفضيل”
فقرات أسبوعية يكتبها الإعلامي جلال فيتروني
انتفخنا من كتر الأحداث ومناوشات الجنوب وسمعنا اخبار زودة المعاش يلي بعمرو ما عاش والاضطراب الاقتصادي واضرابات الموظفين صار بدها معجزة الهية للخلاص
وعاقولة العم متولي خلاص يا جماعة باب الهنا اتقفل
لهيك اجت مناسبة الصوم عند اخوتنا المسيحيين لحتى تجدد العزم الايماني وتاخود الروح صوب الصفا الذهني والأخلاق الرشيدة
كذلك حنستقبل سوا شهر رمضان بمزيد من التعطش لأيامو وصيامو ولياليه
طرابلس والشمال شو ممكن تقدم لشهر الصوم الا المحبة والايثار وعمل الخير والتعايش بأبهى أشكالو متل تفطير الناس وتوزيع المي وافطارات الأيتام والامسيات الرمضانية المعتادة
الحكومة زي ما هييه باحتساب الضرايب ملتهية ومرقلي تمرقلك واحنا وياك شركة حلبية
بي هالشهر شو حضرنا يا ترى ملينا صفحتنا بالأعمال الخيرة الحلوة اشتغلنا على إعادة البسمة للمدينة قررنا بس ولو ليوم واحد نقول لبيك طرابلس قولا وفعلا
هل قررنا خلال هالشهر نصفي قلوبنا ونعمل روداج طويل الأمد
جربنا شي يوم نبعت اكل لرجل مسن مسيحي او امرأة مسلمة
شي يوم اغتلنا العنصرية والطائفية والمذهبية وقلنا لأي شخص غير طائفتنا انت اخي في الإنسانية
شو ممكن تقدم نواب طرابلس بي شهر الرحمة والغفران او كيف ممكن نستقبل شهر الرحمة بقلوب سودة او ضغينة
طرابلس بحاجة لصفحة بيضا من قبلكم تسجلو عليها كل أمانيكم بشهر يعم فيه الحب والوئام والسلام
