أخبار نجوم ومشاهير
الجيل الجديد ما حضرش المشهد دا
لانهم متعودين على القنوات الفضائية ومنصات الافلام والانترنت فيه شباك اسمه
شباك حجز الترسو ، والترسو معناه كراسي الدرجة الثالثة بالسينما
وهي مكنتش كراسي ولكن دكك خشب أمام شاشة السينما مباشرة واحد واقف بعصاية بيرص المشاهدين جنب بعض، وانت بتتفرج على الفيلم تضطر ترفع رقبتك لأقصى درجة علشان تشوف الفيلم ومن قربنا للشاشة تحس ان مناخيرك هتلزق فيها وكنت تخرج من السينما رقبتك مرفوعة بتنزلها بعصوبة ، لدرجة إن في يوم رقبتي قفشت فمشيت باصص لفوق ، فكان كل اللى ماشيين في الشارع يبصوا كمان لفوق يشوفوا انا ببص على ايه ..
—- تذكرة الترسو في زمني كانت بـ 3 قروش وتذكرة البلكون بــ 20 قرش … وبما اني غاوي سينما مكنش يناسبني غير الترسو على أد فلوسي … وكنت زبون دائم ايام التزويغ من المدرسة في سينمات المدينة المتاحة وقتها .. وهي عدن والنصر وأوبرا وركس ..
— وياسلام لما كان والدي ووالدتي ياخدونا سينما مترو او ريفولي بوسط القاهرة ونقعد باحترامنا في البلكون الفاخر … كنت بحس كأني الملك فاروق .
— سبحان الله لما سافرت للخارج ودخلت سينمات راقيه جدا جو بديع وكرسي ضخم بيعمل لك مساج ويزغزك!! .. لم اشعر بربع المتعة الى كنت بحسها في الترسو واحنا شلة طلبة قاعدين مزنوقين مش عارفين نخرج انفاسنا، وسماعة السينما خربانة مش فاهمين الممثلين بيقولوا ايه … بس كنا بنضحك على أقل مشهد ونصفر ونزمر ونطلع في قمة السعادة …
— رجعوني لأيام الترسو والنبي
عن صفحة اهل مصر حلاوة زمان
الفنان جمال اسماعيل حكى حكاية حصلت له
وهو صغير كان عنده 10 سنين… الحكاية دي حكاها في برنامج عفاريت حسين الامام اللي بيقدمه الفنان الراحل حسين الامام…
بيحكي الفنان جمال اسماعيل وبيقول انا حصلت معايا حاجة غريبة اوي ومرعبة جدا مش قادر اني انساها لحد ما كبرت دلوقتي.. كنا عايشين في عمارة من خمس ادوار.. واحنا كنا قاعدين في الدور التالت.. وكان ساكن فوقينا زوج وزوجة.. فجأة الزوج اختفى ومارجعش! محدش عارف راح فين؟ هما كانوا بيحبوا بعض اوي.. وكانوا عايشين حياة سعيدة مع بعض.. لكن فجأة الزوج اختفى.. لما اختفى مرات الراجل ده زعلت جدا.. ودورت عليه كتير اوي.. لحد ما عدى سنه وجوزها مارجعش.. فهنا الجيران صعب عليهم حال الست.. كانت في حالة حزن شديد.. فقرروا بقى ان لازم يلاقوا جوزها.. فاقترحوا انهم يجيبوا شيخ لانهم شكوا ان في سحر اتعمل وهو اللي اتسبب في اختفاء جوزها… ووحده من الجيران جاب الشيخ.. وكل الجيران اتجمعوا في شقة الست اللي جوزها مختفي.. وانا كنت صغير وكان عندي فضول اعرف ايه اللي هيعملوه جوه.. فانا رحت مع امي..
الشيخ ده طلب من الجيران انهم يقعدوا على الارض على شكل دايره.. وانا كنت واقف بعيد شوية.. فالشيخ بصلي وقالي تعالى اقعد.. قربت من الدايرة وقعدت جنب امي..
وبعدها الشيخ طلب منقد عشان يولع ف بخور.. جابوا المنقد ده.. وطلب تاني الشيخ انه عايز طبق غويط.. جابوله الطبق والشيخ حطه على الارض حنبه.. وقال الشيخ هاتولي مصحف.. جابوله المصحف.. وبعد كده حط المصحف على الطبق.. وبعد كده لقيته طلع من جيبه مفتاح من المفاتيح القديمة الحديد والطويل.. وكان مصدي كمان.. حط المفتاح فوق المصحف.. وفضل يعزم! كلمات غريبة كان بيقولها.. وكنت بحاول القط اي كلمه.. لكن مكنتش فاهم هو بيقول ايه…
الشيخ فضل يعزم وكان مركز نظره ع المفتاح لحد ما فجأة لقينا المفتاح اتحرك ولف حوالين نفسه وبعدها وقف فجاة!…
بعد ما المفتاح لف حوالين نفسه ووقف.. لقيت الشيخ بصلي وقالي تعالى! انا خفت.. وقالي تاني تعالى اقعد جنبي.. قومت وانا خايف وبترعش وقعدت جنبه.. وبعد كده الشيخ قالي شيل المفتاح.. شيلت المفتاح.. وبعدها قالي شيل المصحف.. شيلت المصحف واخده وحطو جنبه… وبعد كده الشيخ قالي اكشف الطبق.. كشفت الطبق من المنديل الابيض اللي حاطه عليه… وجوه الطبق كان موجود حتت قماشه مكانتش موجودة ف الطبق اول مرة!… الشيخ قال للست اللي جوزها مختفي القماشة دي عندك زيها في البيت؟ قالت الست ايوة دي قماشة من روب جوزي! فقالها طب روحي هاتيها.. راحت الست جابت الروب.. ولقينا ان في حته من الروب مقصوصة! والقماشة اللي ف الطبق قطعة من الروب!..
قطعة القماشة دي كانت ملفوفة زي حجاب.. الشيخ فتحها ولقي جواها ورقه.. فتح الورقة وكان مكتوب فيها بالاحمر كلمات ومربعات وحاجات غريبة زي جمجمة مرسومة وعضمتين معمولين علامة + بالاحمر !..
بعدها الشيخ طلب وقال لازم يتشال بلاط الشقة! وفعلا … 🛑👇⬇
عن صفحة فيروز وفنجان قهوة
الفنانة كندة علوش تعود إلى الدراما في شهر رمضان ضمن مسلسل إخوتي بعد غياب ثلاث سنوات تقريباً، بسبب إصابتها بسرطان الثدي، وتعافيها منه.
ونشرت علوش صورة لها مع زميلاتها في العمل منهم: نيلي_كريم، روبي، وجيهان الشماشرجي.
يذكر أن المسلسل من إخراج محمد شاكر خضير، وتأليف مهاب طارق.
وتدور أحداثه في إطار اجتماعي تشويقي، وينقل حياة أربع شقيقات تربطهن علاقة جيدة، لكنّ حدثاً ما يقلب علاقتهن رأساً على عقب.
عن صفحة فن هابط عالي
الفنانة أحلام: “زوجي مبارك كان يفرش وينام جنبي،
ولم يتركني طوال 6 أشهر متواصلة لإنجاز ألبومي الجديد”.
عن صفحة فن هابط عالي
خيّاطة وفسحة
د عصام عسيري
يُنظر إلى دييجو فيلاسكيز على أنه أحد أعظم فناني أوروبا في القرن السابع عشر. بحلول عام ١٦٢٣م، في عمر الرابعة والعشرون، حصل على منصب مرموق كرسام البلاط لفيليب الرابع في مدريد. على مدى العقود الأربعة التالية، ركز فيلاسكيز في المقام الأول على إبداع صور مُبتكرة للملك والعائلة الملكية. ومع ذلك كان يلجأ في أوقاته الخاصة إلى الموضوعات التي استحوذت على اهتمامه الشخصي، مثل لوحة الخياطة الزيت على قماش ٧٤/٦٠ سم عام ١٦٥٠.
إن حماسة فيلاسكيز لمُراقبة الضوء وتأثيراته على الشكل قادتهُ إلى الإبتعاد عن النزعة الدرامية القاتمة – المُتمثلة في التباين الصارخ بين الضوء والظل – والتي ميزت أعماله السابقة. وبدلاً من ذلك، طور أسلوباً أكثر نعومةً ودقة. في الخياطة، لا يكتنف الظلام أي جزء من التكوين. استخدم فيلاسكيز ضوءاً طبيعياً رقيقاً وظلالاً شفافة لتحديد قسمات الوجه، ونحت مُنحنى الصدر، والإيحاء بالحركة المُتكررة والدقيقة ليد الموضوع.
تكشف حالة اللوحة غير المُكتملة عن العملية الفنية التي قام بها فيلاسكيز، بدأ بتحضير القُماش بطبقة أساسية باللونين الرمادي والأخضر، ثم حدد الأشكال الرئيسية للتكوين باستخدام طلاء أغمق، مملوء بمساحاتٍ واسعة بلونٍ مُعتم وقام بتحسين الصورة تدريجياً، ورسم الوجه وهو الجزء الوحيد من اللوحة الذي يبدو كاملاً بطبقاتٍ شفافةٍ لامعة، ما يخلق تأثير البشرة الأوروبية المُضاءة بالنور المُنتشر. تُسلط هذه التقنية الضوء على إتقان فيلاسكيز للواقعية وقدرته على إضفاء صبغة مليئة بالحيوية على أعمالهِ.
فنونأوروبية يومياتفنية
عن صفحة الفن لغة العالم
