أخبار نجوم ومشاهير

أخبار نجوم ومشاهير

ليه فريد الأطرش وليلى مراد ما اشتغلوش مع بعض..

رغم نجومية الاتنين ورغم أن كل واحد فيهم اشتغل مع كبار النجوم؟..

السبب الأول.. كان غيرة أنور وجدي.. الغيرة الشخصية والفنية.. لأن أنور كان بيغير على ليلى من أي نجم .. وسبق وعمل معاها مشكلة لما قررت تشتغل مع أحمد سالم ووصلت المشكلة بينهم إلى التهديد بالطلاق.. ده بخلاف الغيرة الفنية واللي خلته ـ بحسب المجلة ـ يقنعها بإن أفلامها معاه هى بس اللي بتنجح وتحقق صدى واسع عند الجماهير..

هنا حد يسأل ويقول “طيب ليلى وأنور اتطلقوا فى أوائل الخمسينيات .. ليه بقى ما اشتغلتش مع فريد بعدها؟”..
لان بعد الطلاق حصل واجتمع وجيه أباظة مدير شركة النيل للسينما مع ليلى وفريد.. وعرض على الاتنين بطولة فيلم من إنتاج الشركة .. والاتنين وافقوا لكن الشركة واجهت مشاكل إنتاجية اتسببت فى إلغاء المشروع..

وبعد سنين حاول رمسيس نجيب إنه يجمع فريد وليلى فى فيلم “دعني لولدي” قصة إحسان عبدالقدوس.. لكن ليلى وقتها فاجئته بإنها مش عايزة ترجع تاني للوسط الفني..

وفى سنة 1961 رشح بركات ليلى مراد علشان تشارك فريد فيلم “شاطئ الحب”.. لكن وقتها اكتشفوا إن اسم ليلى مراد على اللايحة السودا فى سوريا اللي منعت عرض أفلامها وإذاعة أغانيها .. فتم التراجع عن المشروع..

وبعد الواقعة دي بعشر سنين وكام شهر.. وبعد تردد طويل من ليلى مراد وافقت أخيرا على عرض مؤسسة السينما بإنها تقدم فيلم مع فريد الأطرش.. ومضت ليلى العقد وكان المفروض تغنى فى الفيلم ديو مع فريد.. ده غير أغاني فردية لكل واحد منهم .. لكن اللي حصل إن فريد تعب والمشروع فضل يتأجل لحد ما مات

عن صفحة ليلى مراد

أعمال سورية لمخرجين مهمين ستكون على قائمة المنافسة خلال شهر رمضان وهي

البطل الليث_حجو

نسمات أيلول رشا شربتجي

تحت سابع أرض سامر_البرقاوي

ليالي روكسي محمد عبد العزيز

السبع ابن الجبل فادي_سليم

حبق باسم_السلكا

قطع وريد تامر اسحق

عن صفحة فن هابط عالي

سعيد صالح وقف مسرحية العيال كبرت

وطـرد واحد مش مصري من الجمهور قدام الناس كلها.

نادية شكري في حديثها مع الإعلامي عمرو الليثي في برنامج واحد من الناس:

في مرة دخلت المسرح وبعدين كان في ضيف مش مصري في الصالة قاعد قدامي، ووقتها كانت الكراسي لازقة فينا تحس إن رجله حتيجي في رجلي. فابتدى يعاكسني.. فانا توترت جداً.. دخلت لسعيد صالح قلتله في واحد من الجمهور قاعد في أول صف بيعملي حركات مش لذيذة، أعمل إيه.. قاللي لا سيبك إنتي منه.. أنا طالعله
هو كان جدع جداً.. طلع بمنتهى الجرأة وهـ ـ ـزأه قدام الجمهور كله ووقفوا العرض لحد ما الراجـ ـل ده طلع برا.. كان بيحبنا وبيخاف علينا..
….
ولا فرق معاه مصري ولا مش مصري محسبهاش غير بكرامته…

عن صفحة أجمل أغاني هاني شاكر

اليوم ذكري وفاة الدكتور علي حميدة اشهر نجوم التسعينات

اجريت معه حوار للكشف عن كل الحقائق و الاشاعات التي نالت منه بعد شهرته الكبيرة و كيف عاش باقي حياته بعد مطاردة الاشاعات .
اوضحنا كل الحقائق و الاكاذيب ليعرف كل العالم العربي ان هذا الرجل كان شريفا و نقيا و طيب القلب و برئي من كل الاتهامات التي واجهها في حياته
هذا الرجل الفنان الطيب صاحب اعلي مبيعات كاسيت في تاريخ الوطن العربي بشريط ( لولاكي ) ما يقرب من 80 مليون شريط كاسيت
علي فكرة الدكتور علي حميدة اثناء حوارة معي قال لي خليك مع الله و ضروري ربنا هيكشف الحقيقيه و تنتصر في النهاية و هذا ما حدث ربنا كرمة كل وفاته بايام بالكشف عن كل الحقائق لعلها تكون النهاية التي ينتظرها كل مظلوم
رحمة الله عليك يا دكتور علي حميدة و جعلك من اهل الفردوس الأعلى

عن صفحة السيد البشلاوي