نشرة صوتنا للمدى الفنية – 11 ديسمبر

عبده الأمير يحتفل بإسبوع توأمه بوسي وياسين وسط حضور الأسرة ونجوم الفن ورجال المجتمع

احتفل أمس رجل الأعمال عبده الأمير بسبوع توأمه بوسي وياسين في أجواء عائلية مبهجة، شهدت حضور الأسرة والمقرّبين وعدد من نجوم الفن ورجال المجتمع الذين حرصوا على تقديم التهاني ومشاركة الأمير فرحته.

كما حضر الحفل شركاء نجاحه وفي مقدمتهم المدير العام محمد عاطف، مدير عام مجموعة معارض عبده الأمير، الذي قدّم التهنئة متمنّيًا للتوأم حياة مليئة بالسعادة والنجاح.

وقد تميز الحفل بأجوائه الراقية والروح العائلية الدافئة، ليكون احتفالًا يليق بهذه المناسبة السعيدة.

🌟 اليونسكو تُدرج “الكشري المصري” على قائمة التراث الثقافي غير المادي 2025👇

🥄 مين بالنسبة لك صاحب أفضل كشري في مصر؟

قولنا. ايه رأيك في الكشري المصري. لو أكلته. قبل كدا.

عن صفحة السيد البشلاوي

الفنانة إيمان.. سمراء النيل اللي بدأت مع العمالقة وتركت الفن علشان تعيش حياتها

الفنانة المعتزلة إيمان واحدة من نجمات زمن الفن الجميل، رغم إن رصيدها في السينما مش كبير، لكنها بدأت بداية قوية مع عمالقة زي فريد الأطرش وعبد الحليم حافظ.
اسمها الحقيقي ليلى هلال ياسين، وهي مولودة سنة 1938 في الإسماعيلية، وبعدها انتقلت مع أسرتها للقاهرة ودرست في الليسيه الفرنساوي. كان حلمها تبقى دكتورة نفسية، لكن القدَر دخلها طريق الفن من غير ما تخطط.

وهي لسه أقل من 15 سنة، قابلها المخرج حسين الإمام في شارع قصر النيل وطلب منها تمثّل، لكنها خافت وجريت.
بعدها بسنين شافها فريد الأطرش وأقنع والدها يدخلها الفن، وكمان هو اللي سمّاها “إيمان”.
قدّمت معاه أفلام مهمة زي:
عهد الهوى – قصة حبي
لكن شهرتها الكبيرة جات مع العندليب في فيلم أيام وليالي اللي خلى الناس تحفظ اسمها.

رغم إنها عملت 14 فيلم بس، لكنها سابت بصمة واضحة، وكان آخر أفلامها تحت السماء سنة 1961، وبعده قررت تعتزل نهائي.

حياتها الشخصية:
اتجوزت مرتين:
• أول جواز كان من الأمير فؤاد الأطرش أخو فريد، وفضلوا سوا 6 سنين، لكن حصل الطلاق بسبب رقصة قدمتها في فيلم أجنبي سنة 1958.
• بعدها اتجوزت من مهندس معماري ألماني اسمه ماكس شيلدين، أشهر إسلامه، وسافرت معاه ألمانيا واعتزلت الفن خالص.
خلفت 3 أولاد، واشتغلت مع زوجها في تصميم ديكورات الفنادق، وقالت إنها مش ندمانة على الاعتزال، وإن البيت والأولاد أهم من أي شهرة، وإنها مش ممكن ترجع للتمثيل.

إنت شايف؟ قرارها كان صح؟
ولا الفن خسر نجمة كانت هتبقى من الكبار

عن صفحة السيد البشلاوي

عبد المنعم إبراهيم.. ضحكة من برّه ووجع من جوّه

عبد المنعم إبراهيم يمكن الجمهور عرفه بنكتته وضحكته، لكن الحقيقي إنه كان مليان مآسي خلّته يبرع في التراجيديا زي الكوميديا.
من وهو طفل بيهزر مع أصحابه وبيقلد المسرح، لحد ما أساتذته شافوا موهبته وفتحوله باب الفن، وتخرّج من معهد التمثيل سنة 1949.

نجح في المسرح والسينما وقدّم أدوار تاريخية زي سر طاقية الإخفاء، وظهر في كلاسيكيات زي بين القصرين والزوجة 13 وإشاعة حب وإسماعيل ياسين في الأسطول.

لكن ورا الضحك ده كان فيه وجع كبير…
فقد مراته الأولى بعد مرض طويل، وبعدها بسنتين أخوه مات وسابله 6 عيال، فبقى مسؤول عن 11 فرد.
اتجوز 3 مرات بعدها، وبرضه القدَر كان قاسي معاه… زوجته الثانية توفت بالسرطان، وفي الآخر ابنه طارق مات وهو عنده 37 سنة… وده كان أكتر وجع كسّره.

ورحل الفنان الكبير سنة 1987 عن عمر 62 سنة.
ضحكنا كتير… بس الحقيقة إن حياته كانت درس:
اللي بيضحّكك أوقات بيكون شايل فوق طاقته، فاعذروا الناس واحمدوا ربنا على اللي في إيديكم

عن صفحة السيد البشلاوي

أم كلثوم في السودان… كلمة من القلب لأهل النيل

لما الست أم كلثوم زارت السودان في فبراير 1968، كان استقبالها هناك حاجة من الخيال… حب واحترام من أهل البلد كلّه.

وسألتها الإذاعية الراحلة أماني ناشد عن رأيها في السودان وأهله، فردّت الست بصوتها الهادي وكلامها اللي يدخل القلب:
“السودانيين دول أهلنا… إحنا وهُمّا إخوات، علشان إحنا الاتنين ولاد النيل.”

كلمة بسيطة… بس فيها كل المعاني الجميلة بين شعبين جمّعهم النيل قبل التاريخ ❤

عن صفحة السيد البشلاوي

ناهد زيدان زوجة الفنان باسل خياط توثق احتفالها بعيد ميلادها بعدة صور.

عن صفحة فن هابط عالي

الفنان بسام كوسا يتحدث عن أهم دور شر قدمه خلال مسيرته، في أبوظبي ضمن فعاليات قمة Bridge، التي تُعدّ الحدث الأضخم عالمياً في قطاعات الإعلام والمحتوى والترفيه قائلاً: “أهم دور شر هو اللي ما لعبتو لسا”.

وأضاف ممازحاً: “وأخطر دور شر هو شخصيتي الحقيقية”

عن صفحة فن هابط عالي