نشرة صوتنا للمدى الفنية – 17 ديسمبر

انطلقت مرحلة الترشيح لجوائز Joy Awards! 🚨

صار وقت دعم المبدعين! ونجمتنا مبدعة حقيقية!
خلونا كلنا نضمن وصولها للنهائيات لإنو بتستاهل عن جدارة!
رشحوا المبدعة باميلا الكيك لجائزة أفضل ممثلة عن أدائها المتميز لشخصية حياة المركبة في مسلسل آسر .
وأظهروا دعمكم الكامل للعمل بأكمله بتسمية مسلسل “آسر” لجائزة المسلسل المشرقي المفضل .
🔥
إليكم كيفية الترشيح:

قم بتنزيل تطبيق Joy Awards.
سجل أو قم بتسجيل الدخول إلى حسابك داخل التطبيق.
اذهب إلى قسم التسميات وقدم اختيارك:

باميلا الكيك” كـ أفضل ممثلة ♥
آسر” كـ أفضل مسلسل مشرقي ♥

خلونا نضمن وصول ترشيحات باميلا الكيك ومسلسل آسر إلى القائمة النهائية!
ما تتأخروا ورشحوا اليوم! 🌟 🙏🏻🔥🔥
.

pamelaelkik #asser #joyawards2026 #nominations #vote #pamelaelkikbestactress #asserbestseries

باميلاالكيكأفضلممثلة باميلاالكيك المبدعة

وصل مسلسل تحت سابع أرض إلى المرحلة الأخيرة من مسابقة جووي أوورد، ليكون مرشحاً للفوز بجائزة المسلسل المشرقي المفضل.

عن صفحة فن هابط عالي

ممارسات الفنان جمال سليمان مع نجله

أنا أحيانًا بحرم ابني الوحيد من حاجات بيحبها، مع إن ربنا رزقني بيه بعد سنين طويلة من الصبر.

مش كل مرة يطلب فيها حاجة بشتريها، وأوقات بقوله “مفيش فلوس”… مش لأنّي مش بحبه، بالعكس، ده ابني الوحيد وحبيبي، بس أنا عايز أربيه على إن مش كل اللي يتمناه هيلقيه، لأن دي حقيقة الحياة.

زمان كان كل ما يضيّع كاب النادي أروح على طول وأجيب له غيره، لكن لما بدأ يكررها، قررت أوقف ده… خليته ينزل يلعب رياضة في الشمس علشان يتعلم إن مش كل حاجة بتتعوض، ولازم يحافظ على اللي معاه.

ولما يطلب حاجة جديدة، ساعات أرفض وأقوله إننا مش هنقدر نشتريها دلوقتي، علشان يفهم إن الفلوس بتيجي بصعوبة… سهل تتصرف لكن صعب تتجمع.
أنا مش عايز يتعود على مبدأ “اطلب تُعطى”، أنا عايز يعرف إن الدنيا مش سهلة، وكل حاجة ليها تمن ومجهود. ❤�

روائع الفن والدراما

صورة نادرة ليوسف وهبي وأمينة رزق على غلاف مجلة فرنسية سنة 1937

صورة نادرة جدًا بترجع بينا لزمن الفن الجميل، بتجمع عميد المسرح العربي الفنان الراحل يوسف وهبي مع الفنانة الكبيرة أمينة رزق، على غلاف مجلة فرنسية اسمها «سيني إيماج» سنة 1937.

الصورة مأخوذة من أفيش فيلم «المجد الخالد»، واحد من أفلام الزمن الأصيل، واللي بيحكي عن فنان تشكيلي حلمه يرسم لوحة لحبيبته ويشارك بيها في معرض كبير. وأثناء رسم اللوحة، يحصل حادث يتسبب في فقدان جارته بصرها، ويفشل كمان في قصة حب تانية مع بنت عمه اللي كانت بتحبه. وبعدها يُصاب بمرض خطير، ورغم كده يقرر يكمل حلمه للنهاية بأي تمن… ويموت بعد ما يخلص اللوحة.

الفيلم بطولة يوسف وهبي، أمينة رزق، فؤاد شفيق، عبدالحليم القلع، ليل حلمي، إستيفان روستي، وعبدالمجيد شكر.

يا سلام بجد على عظمة الفن المصري لما كان بيسافر للعالم كله ويوصل لغلاف مجلات أوروبية

عن صفحة السيد البشلاوي

الشيطان امرأة (1972).. حب وخيانة وصراع مع العصابات

فيلم «الشيطان امرأة» إنتاج سنة 1972، واحد من أفلام التشويق والدراما اللي جمعت بين الحب والخطر والخيانة.

القصة بتدور حوالين أمين، حارس أمن في مصنع تريكو، راجل أمين وشديد في شغله، ما بيغفلش لحظة عن حراسة المكان. في يوم من الأيام يقابل ياسمينة، واحدة من العاملات في المصنع، ويقع في حبها من غير ما يعرف إن وراها سر خطير.

مع الوقت، أمين يكتشف الحقيقة الصادمة… ياسمينة عضوة في عصابة إجرامية، والعصابة دي بيقودها عاصم الدمنهوري. لما الدمنهوري يعرف إن أمين كشف السر، يحاول يتخلص منه قبل ما يفضحه. وفي لحظة دفاع عن النفس، أمين يطعنه بسكينة، ويهرب مع ياسمينة لبيت غسان، وتبدأ سلسلة من الأحداث المشحونة بالتوتر والمطاردات.

الفيلم من إخراج الكبير نيازي مصطفى، وبطولة:
محمود ياسين، نجلاء فتحي، غسان مطر، مديحة كامل، سمير صبري، وصلاح نظمي.

فيلم من زمن السينما اللي كانت بتعرف تعمل تشويق بجد، وتخلّي المشاهد مشدود لآخر مشهد

عن صفحة السيد البشلاوي

ملكة الإحساس
اليوم ذكرى رحيل الصوت الأصيل مها صبري

في ذكرى رحيل ملكة الإحساس الفنانة مها صبري، نفتكر واحدة من أجمل الأصوات الطربية اللي سابت بصمة واضحة في الغُنا والسينما المصرية.

مها صبري اشتهرت بصوتها القوي والأصيل، ومن أشهر أغانيها اللي لحد دلوقتي عايشة معانا «ما تزوقيني يا ماما»، واللي كانت سبب كبير في شهرتها. أول ظهور ليها في السينما كان سنة 1959 من خلال فيلم «أحلام البنات» قدام رشدي أباظة.

بعدها شاركت في مجموعة أفلام مهمة، زي «لقمة العيش» مع صلاح ذو الفقار سنة 1960، و«منتهى الفرح»** مع حسن يوسف سنة 1963، و«دنيا» مع صلاح ذو الفقار سنة 1974، وكمان اشتغلت مع نجوم كبار زي حسين صدقي وإسماعيل ياسين.

من أشهر لحظاتها الغنائية كانت أغنية «ما تزوقيني يا ماما» اللي غنّتها في فيلم منتهى الفرح، وكمان شاركت المطرب ماهر العطار في البرنامج الإذاعي الشهير «أمطار الربيع».

ليها أعمال سينمائية تانية مهمة زي السكرية، حكاية العمر كله، أنا العدالة، وغيرهم.

وبعد فترة غابت فيها عن الساحة الفنية، كانت كوكب الشرق أم كلثوم سبب أساسي في رجوعها تاني للغُنا والتمثيل، ولولا تدخل الست ودعمها، يمكن ما كانتش مها صبري رجعت تاني للفن.

رحلت مها صبري، لكن صوتها وإحساسها لسه عايشين في قلوب محبي الفن الجميل

عن صفحة السيد البشلاوي

المعلم صديق أحمد.. الراجل اللي مسك مفاتيح الفن ووقف قدّام أم كلثوم وعبدالوهاب

من حوالي 100 سنة، في أوائل القرن الماضي، الشهرة مكنتش سهلة ولا بالسوشيال ميديا، دي كانت بتيجي من الحفلات، واللي يتحكم فيها وقتها كانوا متعهدين الحفلات. الناس دي كان بإيدها ترفع فنان للسما أو تدفنه وهو لسه موهوب، بكلمة واحدة بس.

في العشرينات والتلاتينات ظهر نفوذ متعهدي الحفلات بشكل كبير، كانوا بينظموا السهرات، ويأجروا الفرق والمطربين، ويبيعوا التذاكر، ويكسبوا فلوس، وكمان يقرروا مين يطلع ومين يختفي. وأشهرهم وأقواهم كان المعلم صديق أحمد.

المعلم صديق بدأ بسيط جدًا، موزّع إعلانات حفلات، وبعدها بقى متعهد حفلات كبير، ومع الوقت بقى اسمه تقيل ورأيه مسموع، لدرجة إنه كان يتحكم في الحياة الفنية في مصر فترة طويلة. كلمة منه ممكن تعمل نجم، وكلمة تانية ممكن تنهي مشوار فني بالكامل.

ومن أهم محطاته إنه كان سبب رئيسي في اكتشاف كوكب الشرق أم كلثوم. سمع صوتها لأول مرة في سرادق صغير بدرب المهابيل في منطقة المناصرة، ولما عجبه صوتها قال للّي معاه:
«البنت دي لها مستقبل هايل».
الكلمة دي اتنشرت بعدها في حوار مع مجلة «كوكب الشرق» سنة 1921، وكانت سبب إن متعهدي الحفلات يبدأوا يستعينوا بأم كلثوم وتبدأ رحلتها مع الشهرة.

لكن الدنيا ماكملتش على وفاق… حصل خلاف بين المعلم صديق وأم كلثوم وهي لسه في أول طريقها، فقرر يحاربها، وهدد أصحاب المسارح إنه مش هيتعامل معاهم لو اشتغلوا معاها. وفعلاً اختفت أم كلثوم عن المسارح حوالي شهر كامل، وخافت الناس تنساها، فاضطرت ترجع تصالحه علشان يرفع الحظر عنها.

وفي نفس الزمن كان زكي مراد، والد ليلى مراد، مطرب مشهور ومتعاون مع المعلم صديق. زكي مراد قرر يسافر أمريكا في رحلة فنية، لكن صديق رفض، وزكي سافر من غير ما يسمع كلامه. ولما رجع بعد سنتين، اتفاجئ إن المعلم صديق تبنّى مطرب شاب جديد وقدّمه للجمهور بلقب
«مطرب الملوك والأمراء»… واللي كان محمد عبدالوهاب، موسيقار الأجيال.

المعلم صديق كان له دور كبير في بداية شهرة عبدالوهاب، لكن بعد فترة عبدالوهاب تعاون مع متعهد تاني منافس اسمه حسن الشريف. ساعتها غضب المعلم صديق، واستعان بفتوات علشان يبوّظوا حفلات عبدالوهاب، وده خلّى المتعهد المنافس يلغي حفلات القاهرة وإسكندرية ويكتفي بالأقاليم.

الموضوع أقلق عبدالوهاب جدًا، واضطر في الآخر يسعى لمصالحة المعلم صديق، اللي كان وقتها فعلاً الحاكم بأمره في عالم الفن والطرب.

حكاية تكشف قد إيه زمان كان طريق النجومية صعب… وقد إيه كلمة واحدة كانت تصنع تاريخ

عن صفحة السيد البشلاوي