نشرة صوتنا للمدى الفنية – 22 نيسان
توفيت الفنانة الكويتية حياة_الفهد، عن عمر ناهز 78 عاماً،
بعد معاناة مع المرض، وبعد مسيرة فنية طويلة امتدت لأكثر من خمسة عقود، تركت خلالها بصمة بارزة في تاريخ الدراما الخليجية والعربية، لتفقد الساحة الفنية واحدة من أبرز رموزها وأكثرها تأثيراً.
وتُعد حياة من رواد الدراما الخليجية، حيث بدأت مشوارها الفني في ستينيات القرن الماضي، ونجحت في تقديم أعمال تلفزيونية ومسرحية شكلت علامات فارقة، وأسهمت في ترسيخ الهوية الدرامية الخليجية، بفضل أدوارها المتنوعة التي عكست قضايا المجتمع الخليجي والإنساني.
عن صفحة فن هابط عالي
المخرج السوري سدير مسعود ينشر صورة له برفقة خطيبته مهندسة الديكور المصرية ندى الحفناوي ويعلق:
“لقد مر عام منذ أن قالت “أقبل”، ومنذ ذلك اليوم وأنا متأكد من أنني أريد قضاء كل لحظة معك♥️”.
يذكر أن آخر أعمال سدير مسلسل عين_سحرية الذي حصد نجاحاً كبيراً في مصر.
عن صفحة فن هابط عالي
الفنان مهيار_خضور: “دمشق ليست مدينة، بل قلبٌ حين ينبض نتذكّر من نكون”.
عن صفحة فن هابط عالي
“كل الشكر و الامتنان للمملكة العربية السعودية، ولهيئة الترفيه بمنحي الإقامة المميزة”
بهذه الكلمات احتفلت الفنانة سلمى المصري تحتفل بحصولها على الإقامة المميزة في المملكة العربية السعودية، على خلفية توجه المملكة لاستقطاب المبدعين وتعزيز حضورها الثقافي.
عن صفحة فن هابط عالي
حكاية صداقة بدأت بخلاف وبقت وفاء
أنور وجدي وكمال الشناوي
لما بنتكلم عن زمن الفن الجميل، لازم نفتكر الأخلاق والمبادئ اللي كانت مالية حياة النجوم وأعمالهم. ومن أحلى الحكايات دي، قصة الصداقة اللي جمعت بين أنور وجدي وكمال الشناوي.
يمكن ناس كتير تفتكر فيلم طريق الدموع، اللي قدمه كمال الشناوي إنتاجًا تخليدًا لذكرى أنور وجدي، والفيلم كان بيحكي قصة حياته الحقيقية. والمميز إن ليلى فوزي، آخر زوجات أنور وجدي، شاركت في الفيلم وجسدت دور زوجته، وده خلاها من أوائل الفنانات اللي جمعوا بين الحقيقة والتمثيل في نفس الوقت.
المفارقة بقى إن العلاقة بينهم ما بدأتش حلوة، بالعكس.. كان في كلام واتهمات بالغيرة من جانب أنور وجدي، وكمان كلام إن وزنه زاد ومبقاش مناسب للسينما. لكن لما الحقيقة ظهرت، وأنور وجدي وضّح إن زيادة وزنه بسبب المرض، كمال الشناوي اتأثر جدًا.
ومن هنا اتحولت القصة من خلاف لصداقة قوية جدًا، لدرجة إن كمال الشناوي بعد وفاة أنور وجدي قرر يخلّد ذكراه بعمل فني عن حياته.
أنور وجدي، اللي بقى واحد من أهم وأشهر صناع السينما في مصر، رحل عن عمر 51 سنة، لكنه فضل واحد من عباقرة الفن اللي بصمتهم لسه عايشة لحد النهاردة
عن صفحة السيد البشلاوي
الفنانة نعيمة عاكف.. نجمة خطفت قلوب الناس ورحلت باكرا
الفنانة الجميلة نعيمة عاكف مبدعة فعلًا.. رغم إن مشوارها كان قصير، لكنها قدمت حوالي 26 فيلم من أهم أفلام السينما المصرية، وكانت دايمًا عاملة حالة خاصة محدش يقدر ما يحبهاش
نعيمة كانت فنانة شاملة بكل معنى الكلمة.. راقصة شاطرة من غير ابتذال، صوتها حلو في الغُنا، دمها خفيف، وتمثيلها بسيط ولذيذ يخطف القلب.
للأسف، نهايتها كانت مؤلمة.. اتوفت وهي لسه في عز شبابها ونجاحها بسبب مرض السرطان، وكان عندها حوالي 36 سنة بس. آخر أيامها كانت صعبة جدًا بعد ما عرفت إنها مريضة بمرض خبيث في الأمعاء، وكانت بتعاني من آلام شديدة.
وقبل ما تسافر بره عشان تجربة علاج جديد كان فيه أمل كبير فيها، الألم رجعلها بشكل أقوى، وكانت دي النهاية… ورحلت يوم 8 أبريل 1966.
نعيمة عاكف مشيت بسرعة… زي أي حاجة حلوة في حياتنا
نعيمة_عاكف
عن صفحة السيد البشلاوي
صورة نادرة جدًا للفنان الكبير محمود عبدالعزيز مع زوجته الأولى جيجي زويد،
وبيظهر معاهم كمان صديقة العيلة وقتها بوسي شلبي، اللي الأيام بعد كده خلتها تبقى زوجته التانية.
صورة فيها حكاية سنين وتفاصيل من حياة فنان كبير، بتورّي قد إيه الدنيا بتتغير والناس أماكنها بتتبدل مع الوقت
عن صفحة السيد البشلاوي
زينات صدقي.. ضحكة من القلب وأخلاق تساوي دكتوراة
الفنانة الجميلة زينات صدقي تستحق فعلًا كل التقدير
أول ما تظهر على الشاشة تلاقي نفسك بتضحك من غير ما تحس، حضورها خفيف، وأداءها الكوميدي طبيعي جدًا، وإفيهاتها بتدخل القلب من غير أي تجريح.. ضحكت ملايين بموهبتها البسيطة والراقية.
ومن أجمل المواقف في حياتها، إنها قابلت عميد الأدب العربي طه حسين في مناسبة، ولما راحت تسلم عليه قالها إنه عارف صوتها. فردت ببساطة وقالتله: “أنا زينات صدقي، ماخدتش غير الابتدائية وبحاول أطور من نفسي”.
الكلام ده أثر فيه جدًا، ورد عليها بأسلوبه الراقي وقالها إنه يمنحها “دكتوراه في الأدب والأخلاق والإلقاء”، وإنه متشرف بلقائها
ومن ساعتها وهي كانت فخورة بالموقف ده طول حياتها
بجد… الأخلاق والذوق عمرهم ما كانوا أقل من أي شهادة
اخلاقالعظماء عميدالادبالعربي زيناتصدقي
عن صفحة السيد البشلاوي
الفنانة فريدة فهمي ونادية الجندي في صورة نادرة من كواليس إعلان عربية “رمسيس”
الإعلان كان عن عربية رمسيس، فخر الصناعة المصرية، اللي بدأ إنتاجها سنة 1959 واتعرضت في الأسواق سنة 1960. كانت ليها موديلات وألوان مختلفة، حتى منها المكشوف
وقتها لاقت إقبال كبير من المصريين علشان يشجعوا المنتج المحلي ويفتخروا بيه، خصوصًا إن سعرها كان حوالي 200 جنيه بس، وده كان قليل مقارنة بباقي العربيات وقتها.
العربية كان محركها ألماني، ونسبة المكون المحلي فيها وصلت لحوالي 30%، وده كان إنجاز كبير جدًا في الوقت ده
وتعتبر رمسيس أول عربية صناعة مصرية، وفضل إنتاجها مستمر لحد ما اتوقف سنة 1972
عن صفحة السيد البشلاوي
