نشرة صوتنا للمدى الفنية – 28 نيسان
إطلالة كايلا زيتون ابنة صانعي المحتوى أنس زيتون و زينة_منصور وسط الطبيعة.
يذكر أن عم كايلا هو الفنان ناصيف زيتون.
عن صفحة فن هابط عالي
الممثلة لين غرة برفقة الفنان التركي شاتاي أولسوي في تركيا
على هامش تصوير مشاهدها ضمن النسخة المعربة من مسلسل حب_أعمى.
عن صفحة فن هابط عالي
أعلن الفنان الأردني حسام_السيلاوي انفصاله عن زوجته ساندرا، بعد أشهر قليلة من الزواج.
وارجع السيلاوي السبب إلى ضغوطات ومشكلات متراكمة، مع تمنياته لها بالخير.
عن صفحة فن هابط عالي
انظر للصورة النادرة دي كويس نجوم و نجمات زملكاوية و اخرين اهلاوية
زمان بقى، نجوم ونجمات الفن كانوا حريصين يحضروا ماتشات الكورة، فيهم أهلاوية وفيهم زملكاوية، وكل واحد بيشجع فريقه بحماس. كان فيه تحدي وتشجيع وتحفيل كمان، بس تحفيل زمان كان بشياكة أوي ومن غير أي تجاوزات، لأن في الآخر الكورة أخلاق قبل أي حاجة.
كان فريد الأطرش معروف إنه زملكاوي متعصب جدًا، وفريد شوقي أهلاوي برضه وبيشجع بحماس. وحتى النجمات كانوا بيشاركوا ويحضروا الماتشات زي ليلى فوزي ومديحة يسري وغيرهم.
وفي صورة نادرة من أوائل الستينيات على أرضية استاد القاهرة، بنشوف كوكبة كبيرة من النجوم: مريم فخر الدين مع فريد الأطرش، وكمان الإذاعي جلال معوض زوج ليلى فوزي في كلام جانبي مع عمر الشريف.
وبنشوف كمان ليلى فوزي، وهدى سلطان، وصلاح ذو الفقار، ومعاهم “الملك” فريد شوقي، ومديحة يسري، وسعيد أبو بكر… صورة كلها بهجة وذكريات لزمن الكورة فيه كانت متعة وروح رياضية بجد.
عن صفحة السيد البشلاوي
شريهان.. حكاية فيها فن وجمال وقوة
شريهان من وهي صغيرة كانت موهوبة ومختلفة، درست رقص في باريس ورجعت بدأت مشوارها بقوة في التمثيل وقدمت أفلام ناجحة زي خلي بالك من عقلك وعرق البلح. وعلى المسرح عملت بصمة مميزة رغم قلة أعمالها، لكن شهرتها الأكبر كانت في الفوازير اللي خلتها ملكة من غير منافس.
رغم النجاح الكبير، عدّت بأزمات صعبة زي حادث 1990 والمرض، لكنها رجعت أقوى في كل مرة. شريهان تفضل دايمًا رمز للجمال والقوة والإرادة… ❤️
عن صفحة السيد البشلاوي
يوسف وهبي.. 3 جوازات ومن غير أولاد تاريخ فني عظيم
الصورة النادرة تجمع يوسف بك وهبي و سعيدة هانم منصور
الفنان الكبير يوسف وهبي، واحد من أهم رموز السينما والمسرح في مصر، اتولد في الفيوم يوم 14 يوليو 1902، ورحل عن دنيتنا في 17 أكتوبر 1982، لكن فنه لسه عايش لحد دلوقتي.
يوسف وهبي اتجوز 3 مرات، لكن ماكانش ليه نصيب في الخلفة. أول جواز كان من الممثلة الإيطالية إلينا لوندا، والجوازة دي ماكملتش بسبب الغيرة والمشاكل. بعد كده اتجوز عائشة فهمي، وكانت قصة حب كبيرة، بس الغيرة برضه دخلت بينهم وانتهت العلاقة بشكل صعب ووصلت لخلافات مادية كبيرة.
أما الجوازة التالتة فكانت من سعيدة هانم منصور، واللي وقفت جنبه في أصعب ظروفه، واستقر معاها لحد آخر عمره.
ورغم إنه ماخلفش، لكن يوسف وهبي ساب إرث فني ضخم وأعمال خالدة خلت اسمه يفضل واحد من أعمدة الفن المصري لحد الآن
عن صفحة السيد البشلاوي
خيال علمي بطعم هزار زمان.. رحلة القمر اللي شبه مشوار المقطم
إسماعيل ياسين ورشدي أباظة 1959.. خيال علمي على طريقة زمان
فيلم رحلة إلى القمر يعتبر أول محاولة خيال علمي فضائي في السينما العربية، اتعمل سنة 1959، وبطولة إسماعيل ياسين ورشدي أباظة.
الفيلم كان فيه تقليد بسيط لأفلام هوليوود وقتها، لدرجة إن رحلة القمر باينة كأنها مشوار عادي بالباص رايح المقطم واضح إنه ماكسرش الدنيا في السينمات، عشان بعدها محدش اتحمس يكرر التجربة دي تاني، وفضل الخيال العلمي عندنا نادر لحد النهارده، مع شوية محاولات خفيفة كده.
القصة بتحكي عن سواق (إسماعيل ياسين) بيتسلل جوا صاروخ قبل ما يطلع القمر، وبالصدفة يدوس على لوحة التحكم، فينطلق الصاروخ بيه هو وعالمين! يوصلوا القمر ويلاقوا شيخ كبير ومعاه مجموعة بنات حلوين وكمان روبوت كده شبه الطناجر
رغم بساطته، الفيلم دمه خفيف ومضحك جدًا، وبيفكّرنا قد إيه زمان السينما كانت جريئة وبتجرب أفكار مختلفة حتى لو بشكل بسيط.
ومن ألذ الإيفيهات في الفيلم لما رشدي أباظة قال: “دي الكلبة لايكا”، يرد عليه إسماعيل ياسين بسرعة: “لايكا الشباب يعود يوماً
عن صفحة السيد البشلاوي
