ارتفاع الأسعار يوصلنا للمهوار.. وضرائب فوق جروح اللبناني
حوار بالعامية والفصحى
كتب الإعلامي جلال فيتروني
ارتفاع الأسعار عم بيوصلنا للمهوار
كيف بتقرأ السياسة اللبنانية اليوم ملفات عالقة أمن غير مستتب اعتداء اسرائيلي يومي على الأراضي اللبنانية
تضخم مالي والاسعار شاقلة طلوع وتنكة البنزين تجاوزت ٣٠ دولار
ومع ذلك زيادة الضرائب وتقنين كهربائي مجحف يعني بينطبق المتل يلي بيقول اجت لتكحلها بس للأسف عمتها
الإقتصاد اللبناني عم بيصفر للفراغ وعم بيقول الفساد والهدر جابو آخرتي مين حيدعمني قرار امريكي او صلف صهيوني
صار لازم الحكومة تطلع من جو المنحدرات لأنو إذا بقت ماشية هيك وما ابتكرت حلول ساعتها: على الله تعود بهجتنا بعد ما قضوا على فرحتنا
اليوم مطلوب اعادة هيكلة ودراسة معمقة لإنتاج الحلول مش قادرين نكفي هيك موازنات متأخرة كيد سياسي على حساب الوطن مناكفات لا تؤدي إلا للتراجع المخيف ومواطن لبناني قال
لا ترجعني خلفاني السوق برا فلتاني
وجدلي حل وعالجني
ما تسمعني ديباجات وطق قناني
خليني شوف الإصلاح عم بيضمني
ولو لعدة ثواني
اللعبة المكشوفة ما عاد إلها رواج
ومنطق المزرعة رايح من دون اساس
خليني خبرك خبرية
حلوة وكويثة وبنت ناس
لما بتحمل وطنك بقلبك
وبتخلي الشعب هوي البوصلة والمقياس
ساعتها بتشوف لبنان مارد الحق والإنسان
وإلى اللقاء في حلقة مقبلة
