الفنان وائل زيدان يطلب الدعاء لشقيقه
قائلاً:
رسالة إلى حبيبي الغائب الحاضر .. السند.. العمر .. الأخ.. المرجلة كلها إلك.. بعرف عزة نفسك بالشغل وبكل تفاصيل حياتك وكل الضغوطات حتى يلي صارت معك بكل تفاصيلها لحظة بلحظة كنت جبل وعزه نفس عالية، بطلب من رب العالمين ترجع توقف على رجليك أملنا بالله كبير ، أنا بعرفك بهي المدة كنت مضغوط بمساهماتك بحملة المساعدة، أنا ما عم اعملك ترند لأنو انا بعرف كم حدا حاول يعمل معك لقاء تلفزيوني اذاعي بعد آخر لقاء الك.. وأنت ما كنت ترضى لأنك كنت عم تشتغل بأصلك.. ياعمرري عسى تكون هذه المبادرة بميزان حسناتك، وترجعلنا بخير وسلامة، ويبريك متل ما برى النبي أيوب عليه السلام معافى بإذن الرحمن. بدي ياك ترجعلنا لهالدنيا شو ما كانت الرجعة وأنا رح كون خادم تحت رجليك، بطلب من كل المحبين يلي بيعرفو شادي بنفسه العزيزة يدعو له بالرحمة والمغفره بهذه الليلة الفضيلة.. أخوك يلي ماعم ينام لتجي.. قدر الله وما شاء فعل.. حسبي الله ونعم الوكيل.
يذكر أن الفنان شادي منذ بداية الزلزال ساهم مع فريق من المتطوعين في اطلاق حملة #كلنا_لبعض لجمع التبرعات من أدوية، أغذية، حليب للاطفال، ثياب وغيرها باستثناء التبرعات المادية التي وصلت إلى أهلنا المتضررين في المحافظات، لكن للاسف نتيجة التعب والضغط تعرض لوعكة صحية ادخلته العناية المشددة وهو بوضع صحي حرج، نتمنى الشفاء العاجل للفنان #شادي صاحب القلب الطيب واليد البيضاء، والعودة إلى عائلته ومحبيه بأقرب وقت.
