حوار بالعامية “اجا السعد وبرم عالبعد”
حوار بالعامية
فقرات أسبوعية يكتبها الصحافي جلال فيتروني
اجا السعد وبرم عالبعد
ترقبو اللبنانيين وصول السعد وراهنو إنو يرجع لعملو السياسي بس سفينة التمنيات كوعت عأول مفرق وخبرنا سعد الوطن انو ما هلق وقتا المنطقة بالجنوب ولعانة والتضخم المالي معدتو شبعانة
أكيد لح يروح السعد ويغادرنا ليحل محلو البعد لأنو أكيد من بعد استشهاد الرئيس رفيق الحريري ما في باب ضو
تتنحل هالأزمات
ومتل ما بيقول المتل راحو وبعدو الحبايب والسكر قلبو دايب
ولكن شو سر يلي كانو يبادلو السعد الخصومة هلق صارو راكضين ل يستقبلو ويزورو وياخدو بالاحضان
ودايما منقول احرجو لحتى أخرجو من الرئاسة وهلق عم بيمثلو دور الحمل الوديع
سلطان الطرب أبو وديع حكيلك كلمة : من هنا ورايح مليش في السياسيين حبايب
يا جماعة بس اللاعبين الكبار يوصلو لتسوية الإتيان بسعد الحريري مع توافق دولي أكيد حيقولولو :
تفضل يا جميل عالساحة وتمختر كدة بالراحة بس بدي قلكم شغلة ما حدا دخل الكوم السياسي إلا وتعرض لصدمات على مقياس ريختر مع اهتزازات من قبل الحلفا
كمان متل ما بيقول المتل
حلفا الأمس خصوم اليوم
الشيخ سعد منو مستعجل عالعمل السياسي بيعتبر انو البزنس مان أهم من لقب دولة الرئيس ولكن
لحتى نشهد هالخطوة ممكن تاخود سنة أو اكتر
وفيروز قالت بغنيتها سنة عن سنة عم يكبر بقلبي عهد الولدنة
راحت ذكرى ١٤ شباط وطويت معها الجيل العتيق رفاق درب الشهيد رفيق وبقيت الساحة فاضية عم تنادي وينك…..
يلي كنت مالي الدني
