حوار بالعامية “حول عالضرايب يا خال”
فقرات أسبوعية يكتبها الإعلامي جلال فيتروني
حول عالضرايب يا خال
عندي كلام كونتك أفعال
قدمولنا الموازنة وأقروها لكن كل شي زاد أضعاف وصار المواطن اللبناني عم يشتغل ليدفع ضرايب للدولة اللبنانية
إذا عطيوك زودة ٢٠٠ الف بياخدوهون من تاني ميلة ٥٠٠ او ٦٠٠ ألف وغربل يا غربال ضاعو ولاد الحلال
على وقع الاعتداءات الاسرائيلية على لبنان الأزمة عم تكبر ما تتوقعو ينخفض الدولار عمكم ابو الطلوع جاهز في كل المراحل ليزيد من إرهاق اللبنانيين بالدفع اليومي الغير محدود
الضرايب عم تنادي
أين المواطنين احفادي
ما حيضل ولا قرش
بجيبتكم ولا زوادي
بس يعطوني شارة الإنطلاق
حلاقة عالماشي
بدون بويا وحدادي
صار المواطن بدو ١٠٠ مليون بالشهر مصروف يا دوب يكفو ومن تاني ميلة هيدول عم ينتفو
كيف بدها تستقيم السياسة النقدية بلبنان ومزاريب الهدر ما تسكرت ومضمون برنامج تصاعدي ضريبي بدون عنوان عليه أورما : نحن نسعى لقهر الإنسان
الكونتك الحكومي دايما يصطدم بآهات اللبنانيين أما شراكة الإصلاح هيي حبر على ورق وبعد طيفها ما مرق
إنو شو بعد ناطرين طيارة الفرج او الفساد يلي عالطرقات كرج او الإنفجار يلي ما بيوفر لا كبير ولا صغير
المطلوب حكومة تتوقى وما تمشي عادقة الأزمات لأنو فيها انهيار البيت ودعسة الفرامل ما لبت
ادعوا للمرحومة بطول العمر لطشة هيك عالماشي
