حوار بالعامية “صمنا عن السياسة الإيمان لفح الأنفاس”
فقرات أسبوعية يكتبها الإعلامي جلال فيتروني
عم نعيش أجواء شهر الصوم لدى المسلمين والمسيحين لكن
رغم يلي عم بيصير من اشكاليات يومية بتبقى طرابلس عصية على التفسخ الاجتماعي
صحيح إنو كمية المساعدات قليلة فما تربحونا جميلة المواطن اللبناني إلو ألله وربنا ما بيترك عبادو بالعكس بيبلي وبيعين بس ما تفقد ثقتك بمولاك
غابت الافطارات الرمضانية وقصتنا زي ما هيييه المحتاج كامد عاجرحو والميسور عم يوجعو ضرسو
بالأول كانت موائد الخير عامرة للضيف للغريب والقريب ويلي مقطوع من شجرة
تغيرت الأيام اجا التضخم والغلا قضى عالجيبة وامتلا
كانت طرابلس غير هيك كان الكرم والضيافة شبيك لبيك التراث مزين بين ايديك اغرف من مدينة طرابلس وعبي سلتك ما بتسئل شو هيي ملتك
هيدا الحنين عمرو ستين سنة ضوى عالكون وعطر سما الأيام بالعيش الهني
صمنا عن السياسة شهر ما يمكن تبعد عنها دهر لأنها موجودة بيومياتك من بعد سنين التعب والقهر
لح ضلك تتابع اخبار بلدك جامعتك شارعك الصاخب بطلة العيد ومروق صوبي يا سعيد بركي باخود منك شوية سعادة وبوزعها عاللبنانيين
طرابلس مش اسم بينكتب وبس ولا خيال بيمرق وبينقص
هيي خلاصة وجود أجيال الوفا عندها كلمة بتنقال
