هل محمود نصر أفضل من تيم حسن؟
بالحقيقة تيم حسن عندو تاريخ عظيم بالدراما
رهيب في تقمص الشخصيات وفن الأداء
على عكس محمود نصر يلي تجاربو تعتبر متواضعة باستثناء مسلسل الندم يلي دخل ع قلوبنا
ولكن تيم حسن برمضان الحالي بعتبر انو يلي عملو هو غلطة في تاريخ مشرف
مسلسل #تاج هو مسلسل فكرتو حلوة وتنفيذو حلو ولكن لا يملك مواصفات العمل الناجح انما يملك مواصفات العمل الجماهيري لانو يلحق الترند وتيم حسن عم يلعب الدور ب كل ذكاء ولكن هالشي ما بيكفي ابدا
اما مسلسل #ولادبديعة يملك مواصفات العمل الناجح بكل ما فيه لا يلحق الترند ولكن يصنع ترند خاص فيه ومحمود نصر بغض النظر عن المسلسل عم يلعب دور من اصعب الادوار يلي ممكن تنعمل ورغم هيك اثبت للجميع انو ممثل متفوق ومتقمص بكل ذكاء وحنكة وعمل دور ماحدا عملو قبلو الا #مكسيمخليل وعملو بشكل مختلف تماماً لأنو بيختلف المرض
بغض النظر عن ضخامة الاسم ولكن محمود نصر في رمضان 2024 هو أفضل من تيم حسن
ومسلسل ولاد بديعة افضل من تاج بكل المقاييس
مسلسل يسعى لتطوير الدراما السورية
