حوار بالعامية “بكفي نزوح.. خيط فرص العمل مجروح!!”
فقرات أسبوعية يكتبها الإعلامي جلال فيتروني
لبنان بلد عم يستقبل نازحين من عدة دول لكن القدرة الاستيعابية للبلد فولت وصار في مقيمين غير لبنانيين اكتر من اللبنانيين وفتنا بمتاهات الكثافة السكانية الهائلة حتى وقع الفاس بالراس وصارت الصرخة أعلى من طن الجراس
اكتر من مليونين نازح سوري فاتو عالبلد هيدا غير يلي دخلو تهريب واخيرا فاقت الدولة اللبنانية من هفوتا وحست بلفحة السخونة وإنو الطريق قدامها مشحونة بالمصايب لكن بتمنى تكون هذة الإجراءات دايمة ومستدامة لحتى يرجع لبنان عاسكة التعافي
خلونا نستعرض نحن وياكون عينة من عينات النزوح بعدها حكم عقلك ووين ما بدك روح
سوري : مرحبا خيو انتى لبناني
لبناني : اه نعم لبناني ليش عم تسأل؟
سوري : نحنا فاتحين ٣ شركات واكيد انت ما عم تشتغل لذلك نحنا منشفق عليكون ومنساعدكون
لبناني : له لا بدياك تشفق عليي ولا تشغلني الدولة عنا مكفاية وموفاية
سوري : شكلك عم تمزح خيو انتو حالتكون صعبة والدولار هالكون وقصف عمر عملتكون قلي شلون عايشين؟
لبناني : عايشين عحساب الأمم ومنأجر بيوت ومنتاجر بكل شي ليكنا ما أحلانا مزنر هوانا طلاع من راسي خلصنا بقا 😕
سوري : خيو عم تعملو علينا قوانين وفوتونا بسين وجيم لوين واصلين؟
لبناني : لا اسمحلي فيا هيدي انتو سألو حالكون لوين مكفايين عاجهنم الحمرا أو لمصير أرسين لوبين في يوم حشوف ايديك مكسرين 🫱
سوري : انتى مين قدفك علينا لحتى تعكر ليالينا احط من هون وهوينا ما عاد بدي شغلك عندي 🤨
لبناني : ليك شوفو مين عم يحكي غريب بدو يشغل ابن البلد اه لما ريخلكون الحبل صرتو نمرودين متل شيخ الجبل
دايما فرص العمل بتشكيلي من ظلم النازحين وبتدعيلي كون كينغ المنطقة الأيام جاية ومصيرها توقع الحرباية
سوري : خاي انت زودتها كتير وجناحاتك بدون تقصير ودماغك بدو تكسير
لبناني : ليك راح المزح وإجا الجد وجبروتك لينهد هد الله وحدو لح يوضع للظالم حد ويعطي المظلوم رزق ما بينعد وصلتك الفكرة يا نازح
تبقى سلملي على الرامبو ابو النزوح
وهيك خلص الحوار بين المواطن اللبناني والنازح السوري بس نحنا وصلنا رسالة لكل المعنيين إنو لبنان لازم يكون بلد فرص العمل مش فرص النزوح
