تسمية شارع في البترون بإسم الفنان جورج خباز
اليوم عيد ميلادي ، ما بحياتي كنت بتخايل انو تكون الهدية هالقد حاملة حب و تقدير و وفا وفخر ، اليوم انحفر اسمي عاحد شوارع البترون ، البترون الي كل شوارعها محفورة بقلبي ، مطرح ما ربيت و تعلمت و لعبت و حبيت وبكيت ، مطرح ما الحجر الو قيمة بالبشر ، بالناس الوفية و المحبي ، شكراً لولاد بلدتي ، رفقاتي و اهلى وناسي ، شكراً للمجلس البلدي على هالقرار بالإجماع من رئيس البلدية الأستاذ مرسيلينو الحرك لكل الأعضاء للي بيمثلو البترون بحلاوة ناسها ، ما قدرت حبست دموعي لما اعلنو عن تسمية الشارع الي ربيت في صغير ، باسمي خلال افتتاح فعاليات مهرجان الأفلام اللبنانية القصيرة Beirut Shorts بكازينو لبنان ، هالمهرجان للي بيعنيلي كتير و بيعنولي القييمين علي ، بشكركن فردا فردا و بقلكن انو الفخر متبادل ، وامي و بيي بقلن انشالله كون وفيتكن جزء بسيط من محبتكن و تضحياتكن ، البترون مرة جديدة بتكوني سباقة ومثال للكتار ، رجعتوني ولد بالشارع للي صورت في غدي و الي كان يوديني عمدرستي و عاول مسرح بحياتي بساحة مار اسطفان
