حوار بالعامية “العام الدراسي عم يترنح ويقول طاش راسي”
فقرات أسبوعية يكتبها الاعلامي جلال فيتروني
شو ممكن نقول عن وزير تربية ما بيحط النقاط عالحروف تركها للظروف محسوبك بيلف وبيدور وبقلك هيدا المقدور
شو ممكن نقول عن مدارس متهالكة متصدعة ما بتصلح للتعليم وما فيها مستلزمات صرف صحي
شو ممكن نعلق عن قراراتك يلي رجل بالبور ورجل بالفلاحة مبينة القصص معك مرتاحة التعليم عن بعد والحضوري ممنوع يفوت عالصف والعام الدراسي انضرب كف
معاليك شو سر التمرجح بالقرارات والعشوائية الملتبسة واللا مسؤولية
سئلت نفسك يوم شو الخطة المرسومة لإعادة هيكلة الشأن التعليمي ونقل الضيوف لمراكز أكثر اتساعا
صار مارق شهرين وانت تايه بين الغيابي والحضوري والترفيهي
بكفي يا وزير التربية حسمها وخلي الناس تعلم ولادها…!!
