حوار بالعامية “وقف إطلاق النار بلائحة الإنتظار”
فقرات أسبوعية يكتبها الاعلامي جلال فيتروني
المساعي من كل ميل لحل مسألة الحرب وهوكشتاين تعب من الجولات والصولات وأطراف الحرب بيقولو خلي الأمور تاخد مجراها نحنا منا مستعجلين
أما الشعب اللبناني داق الألم من صميمو والأه طلعت من زلاعيمو
معقول وقف إطلاق النار يسري ويمري من دون ما تحقق إسرائيل وأميركا مطالبا وشروطا واكيد من دون التنازل عن مطالب المقاومة الإسلامية
اتفاق الحل واقف بلائحة الإنتظار والقرار بظل الإختبار والبلد واقع بشعلة نار
هيدا الصمود لوين بعدو مكفى كامد عاجرحو والعدوان عم يتشفى
اديش قدرة لبنان للصبر والتحمل بعد ما الإقتصاد صار بخبر كان أما المساعدات فمتل حكاية قصة راحت مع غبرة الأحداث الحمل كبير وما في أساس
حنعيش على حلم وقف إطلاق النار ممكن يتحقق ويمكن لأ لكن الأمل موجود بوطن رغم الجراح حيرجع يوقف ويستعيد عافيتو
ومتل ما بقول :نطرونا كتير عاموقف الأزمات لا مشيت السيارة ولا وصلنا عالبيت تحت العواصف قاسينا البرد والأحداث سردت علينا سرد من وقفتنا حسينا حالنا بالجرد
والست فيروز بتقول :هالسيارة مش عم تمشي بدا حدا يدفشها دفشي بيحكو عن ورشة تصليح وما عرفنا وينيية الورشة
أيمتى لح تنتهي الحرب ويصلح البلد !!!
