حوار بالعامية “أهل طرابلس عم تنتخب بس لقينا الحقيقة بتنتحب”
فقرات أسبوعية يكتبها الاعلامي جلال فيتروني
بدكون اكتر من هيك مهزلة انتخابات مثيرة للسخرية أربع تيام مرقت والنتيجة عم تمارس عليها ضغوط ولحد الآن تخضع للفرض السياسي
بينام المرشح ربحان بيفيق خسران ما في اهتمام لحضور الإعلام والصحافة وكأنو بعدنا بعهد الوصاية السورية
أخطاء ارتكبت ورشاوي اندفعت لما بيحضر المال والنفوذ السياسي تسلم السلطة أمرها للأمر الواقع (ويا هيبة اجيبك منين)
بصراحة هيدي اسوأ انتخابات مرت بتاريخ طرابلس صناديق اقتراع بدون حراسة طرد الصحافيين والإعلاميين من مراكز فرز الأصوات ومحافظ لا يحافظ على أصول الممارسة الديمقراطية ويفتح للرشوة والابتزاز آفاق عديدة
بأقلام الفرز كتير من المرشحين ناس اقترعو إلون بس بالفرز حصلوا على صفر كيف هيك ؟؟
معقول تكون الأصوات طارت من الشباك من دون ما ينتبه رئيس القلم أو الشيطان الرجيم بدل بالصناديق وبالتالي ضاعت فرصة التغيير على المدينة ومتل ما سمعنا أحد الطامحين دفع مبلغ كبير جداً حتى تكون النتيجة لصالح لائحة وتضرب بعرض الحيط قرار الشماليين بالتغيير
مطلبنا أعيدوا الانتخابات من جديد ليكون للحرية والعدالة والديمقراطية عيد
