نشرة صوتنا للمدى الفنية – 10 نوفمبر

تقديراً لعطاء فني امتد لعقود وترك بصمته في عالم الدراما، تكريم الفنان جمال سليمان في فعالية “الإمارات تحب سوريا”، احتفاءً بمسيرته الفنية ومجمل أعماله التي شكّلت محطات بارزة في مشواره الفني.

عن صفحة فن_هابط_عالي

رجل عراقي يهدي الفنانة أصالة نصري كرسي جابر لمواساتها بعد سرقة مجوهراتها بأميركا.

عن صفحة فن_هابط_عالي

يظل مسلسل «يوسف الصديق» واحدًا من أجمل المسلسلات التاريخية وأكثرها حضورًا في قلوب المشاهدين، ومن وجوهه المميزة النجمة الإيرانية إلهام حميدي، التي جسّدت شخصية «أسينات»، زوجة يوسف الصديق، بأداء رقيق ترك أثرًا لدى الجمهور.

إلهام_حميدي

سبحان مغير الأحوال والجنين لسة في البال

فاكرين أيام زمان لما كان التليفزيون المصري له طعم تاني وكانت مذيعاته جزء من يومنا ووجوههم مألوفة لينا كأننا بنعرفهم من سنين؟… من الوجوه دي كانت الإعلامية كاميليا العربي
كاميليا كانت واحدة من المذيعات اللي ظهروا على شاشة التليفزيون المصري في بداية التمانينيات وكان ليها مشوار مميز في تقديم برامج الأطفال والمنوعات
هي بنت الفنان الراحل عبد البديع العربي اللي قدم أدوار كتير مهمة في السينما المصرية ومن أشهرها دور الأب في فيلم العار
وكمان أخت الفنانين محمد العربي ووجدي العربي والكاتبة ألفت العربي واتجوزت المخرج التليفزيوني الراحل فتحي عبد الستار
بدأت كاميليا مشوارها في ماسبيرو سنة 1981 وكانت بتحب شغلها جدا ومن وهي صغيرة كان حلمها إنها تبقى مذيعة وتظهر على شاشة التليفزيون
وقدمت مجموعة من البرامج اللي ارتبطت بذكريات جيل كامل من المشاهدين ومن أشهرها برنامج زهور وألوان ولعب في لعب
وكانت برامج الأطفال وقتها ليها مكانة خاصة في بيوتنا وكنا بنستنى فقراتها ونتابع المذيعين والمذيعات اللي بيقدموا لينا كل جديد في عالم اللعب والتسلية والمعلومات
وكانت كاميليا واحدة من الوجوه اللي عرفها جمهور التليفزيون في الفترة دي.. لكن الحياة كان ليها معاها طريق تاني
في سنة 1986 بدأت كاميليا تفكر في تغيير كبير في حياتها بعد رحلة الحج وقررت ترتدي الحجاب وتبتعد عن الوسط الإعلامي
وكان القرار صعب عليها لأنها كانت بتحب شغلها ومتمسكة بحلمها القديم إنها تكون مذيعة
لكنها اختارت تكمل في الطريق اللي ارتاح له قلبها
وحكت في لقاء صحفي إنها لما رجعت للتليفزيون بالحجاب فوجئت بمنعها من دخول المبنى وعدم السماح لها بالعودة لتقديم برنامجها.. وبعد ابتعادها عن الشاشة اتجهت لحياة مختلفة بعيدة عن الأضواء واهتمت بالعمل الخيري ورعاية الأطفال الأيتام … وهكذا انتهى مشوار كاميليا العربي كمذيعة على شاشة التليفزيون المصري بعد سنوات قليلة من بدايته
لكن تفضل صورتها موجودة في ذاكرة الناس اللي شافوها في برامج زمان واللي ممكن يكونوا فاكرين اسمها من تتر برنامج أو من مجرد وش مألوف كان بيطل عليهم من شاشة التليفزيون

والعبرة من حكايتها إن مشوار الإنسان ممكن يتغير وتختلف أحلامه واختياراته مع مرور السنين لكن الذكريات الجميلة بتفضل عايشة مهما عدّى عليها الزمن
ويمكن أجمل حاجة في حكايات الزمن الجميل إنها بترجعنا لأيام بسيطة كان فيها للتليفزيون لمة وللبرامج مواعيد وللوجوه اللي بنحبها مكان مخصوص في قلوبنا

ربنا يرحم اللي رحل ويبارك في عمر كل اللي لسه موجودين وتفضل ذكريات أيامنا الحلوة منورة جوانا مهما كبرنا

مها القناوى
حكايات مها