فقرات أسبوعية يكتبها الاعلامي جلال فيتروني
هلق مش وقت التنظير والشماتة نعم للتضامن
محور المقاومة عم يتلقى الضربات من العدو الصهيوني وحلفائو لكن برغم القدرة الفعلية للجواسيس والموساد لا بد من سقوط شهدا وجرحى فالمعركة قائمة بكل أبعادا بحب قول إنو المقاومة الاسلامية بالجنوب عم بتمر بأحداث وتحديات صعبة خصوصا بعد جريمة تفجير أجهزة البيجر واستهداف القياديين بالمسيرات والقصف المتمادي للعدو الصهيوني على الضاحية الجنوبية والجنوب
قسم من الناس عم يتباهى بالشماتة وقسم صامت وقسم عم يدعي للمقاومة بالنصر
ناس قالت إيران تخلت عن فلسطين والمقاومة وناس قالت اجت الموافقة على شرق أوسط جديد خالي من المقاومة بس بحب قول إنو مستحيل المقاومات الفلسطينية واللبنانية واليمنية تتنازل عن خيارات التزمت فيها
صار وقت نحنا كلبنانيين نحط إيدنا بإيد بعض ونترك التفرق وحدتنا هيي السبيل لخلاصنا لأنو مشروع الهيمنة الأمريكية والصهيونية عم بيطبقو مع سلب مقدرات العرب واخضاعون للإبتزاز والسلب الممنهج
ألله يحمي لبنان من الأخطار والأطماع الأمبريالية
