حوار بالعامية”تحديات مهولة وأفكار مشغولة”
فقرات أسبوعية يكتبها الاعلامي جلال فيتروني
من سنة ٢٠٢٠ ميلادية ورياح الأحداث عم تعصف فينا شمالية جنوبية ما عم بتوفر حدا
من مسلسل هبوط قيمة الليرة اللبنانية
لموضة الطوابير اليومية والسلاح المتفلت وحدث طوفان الأقصى وجبهات إسناد المقاومات الإسلامية إلى الإقتصاد المنهار
وتسارع الأخبار خضات عشناها كل يوم بيوم شوش الفكر وبعاد النوم
شو ممكن التحديات المقبلة يلي حتواجه لبنان حكومة وشعبا وكيف حتكون خلية الأزمة المشكلة إذا ما طرأ عليها أي مشكلة ومتل ما بتعرفو كل يوم تطور جديد كمان يترتب على الجهة المضيفة في لبنان أعباء ثقيلة وتكبدات تفوق طاقة الحكومة
الأفكار مشغولة شو ممكن يصير لو طالت الحرب بظل عام دراسي تايه بغمرة المجهول وعدم وضع استراتيجية لمواجهة الاستنزاف اليومي والمرهق لهذة الحرب
وهل ستبقى حالة الاستنفار والطوارئ الدايمة لأمد بعيد
شو هيي الخطة المرسومة يلي اعتمدتا الحكومة اللبنانية وهل من مقومات للصمود الطويل
كل اللي حكيناه عم يطرحو الإعلام المرئي والمسموع لكن تبقى العبرة في تنفيد خطة مستدامة لحين جلاء تطورات الحرب ومعالجة امتدادها
