أخبار المشاهير والفن
لما يوسف شعبان حكى عن كواليس فيلم “معبودة الجماهير”
مع عبد الحليم حافظ وشادية:
سأل المذيع: “عبد الحليم كان معترض على وجودك في الفيلم؟”
يوسف شعبان: “أيوه، ليه؟ هي مسألة ببساطة إن في الفترة دي ما كانش فيه مطرب زيه، هو المطرب الوحيد بتاع العرب اللي أسعدهم على مر السنين، ولسه بيسعدهم. وكان بيتكلم عني كويس جداً كمطرب وكمؤدي وكده، بس ساعات كانوا بيقولوا إن أدائي التمثيلي شوية عايز مجهود وكده”.
المذيع: “يعني كان شايف إنه هو أحق بالدور؟”
يوسف: “أيوه، هو كان بيطمح إنه زي ما هو أحسن مطرب، يبقى كمان أحسن ممثل. وده من حقه، بصراحة لما وصلني الخبر ما زعلتش، بالعكس أنا أديته الحق”.
المذيع: “طب مين رشحك للفيلم أساساً؟ المخرج ولا مدام شادية؟”
يوسف: “لا، المخرج. حلمي رفلة هو اللي رشحني”.
المذيع: “طب حلمي رفلة رشحك، وعبد الحليم رفض؟ العلاقات كده كانت مشي إزاي؟”
يوسف: “عبد الحليم كان سلطانه كبير جداً، كلمته مسموعة، واللي هو عايزه بيتنفذ. بس الحقيقة الديكور كان اتبنى، ولسه ما ابتدناش تصوير، والدكور كان مكلف جداً. في الآخر، رجعوا لصاحب القصة نفسه، الكاتب الكبير مصطفى أمين”.
المذيع: “يعني مصطفى أمين هو اللي حسم الموضوع؟”
يوسف: “أيوه، مصطفى أمين قرر. قال: مين اللي ينفع ينافس عبد الحليم في حب سهير (اللي هي الفنانة شادية)؟ فاختارني أنا. عبد الحليم وقتها ما لقاش مفارق غير إنه يقبل، لأن مصطفى أمين له وزنه وقتها، وهو اللي خالق الشخصيات في القصة”.
المذيع: “طب عبد الحليم اقتنع بيك في الآخر إزاي؟”
يوسف: “أنا لما اتكلمت معاه بعد كده، قلتله: والله أنا ما زعلتش منك، كنت مديلك العذر. قال لي: مضبوط. قلت له: بس ده كده طمع! إنت عايز تبقى المطرب والممثل والمخرج كمان؟ ده يبقى ديكتاتورية!”
عبد الحليم ضحك وقال لي: خلاص، عدت على خير!”
والفيلم فضل واحد من أهم كلاسيكيات السينما المصرية!
عن صفحة حليم عن الفيسبوك
جسد شخصية ريكو ابن مدام فكيهه في فيلم البحث عن الفضيحة
المخرج (ناجي انجلو) ولد في 7 مايو عام 1942 تخرج من معهد التمثيل وعمل كمخرج ثم اتجه للتمثيل من ابرز مشاركاته البحث عن فضيحة _ الرجل الذي فقد ذاكرته مرتين _ زيارة سريعة _ من فضلك واحسانك كما اخرج عدة اعمال منها العذراء والعرق _ رقيب لا ينام _ الاب السريع _ اللي رقصوا على السلم
هاجر بعد للولايات المتحدة الامريكية ثم عاد مرة اخرى حيث قام باخراج اخر اعماله فستان فرح عام 2009 حيث رحل عن عالمنا في 9 ابريل 2019 عن عمر ناهز ال 77 عام
عن صفحة عطر الماضي عن الفيسبوك
الفنان محمد رضا معلم وسيد السينما المصرية
الفنان الراحل محمد رضا احد نجوم زمن الفن الجميل و أبرز من قدم دور المعلم ابن البلد في السينما والتليفزيون، الفنان الراحل محمد رضا، حيث فارق عالمنا في مثل هذا اليوم من عام 1995، بعد مشوار من النجاحات والإخفاقات والآلام التي عانى منها في حياته
ارتبط اسم محمد رضا لدى الجمهور بدور المعلم ابن البلد الجدع، فقد أتقن تأدية هذا الدور سواء بسبب تكوينه الجسماني وصوته وطريقة أدائه وكلامه، وقدم هذه النوعية من الأدوار في عدة أعمال ومنها على سبيل المثال: سفاح النساء، 30 يوم في السجن، البحث عن فضيحة، معبودة الجماهير، والعتبة جزاز.
عن صفحة السيد البشلاوي عن الفيسبوك
اجمل افلام سيدة الشاشة العربية
فاتن حمامة هو فيلم الخيط الرفيع والذى اتصور عام ١٩٧٠ واتعرض عام ١٩٧١ والفيلم من بطولة الفنان الراحل محمود ياسين والفيلم عن قصه الأديب والكاتب احسان عبد القدوس واخراج بركات وهذا الفيلم من اجمل افلام الفنانة فاتن حمامة اقدم لكم الان هذا الاعلان لفيلم الخيط الرفيع ياترى حد فاكر الفيلم ده
عن صفحة ذكريات من عالم ثاني عن الفيسبوك
