حوار بالعامية “المشهد بدو تحرير وتنازل لمصلحة لبنان”
فقرات أسبوعية يكتبها الاعلامي جلال فيتروني
شي بيكبر القلب عودة الجنوبيين لقراهم التمسك بالأرض بالقيم بالتقاليد والتراث هوي لازمة مهمة وجيدة
بالرغم مما اتعرضلو العائدين من قسوة وترهيب إلا انو إرادة الحرية أقوى من الاضطهاد ومع فترة تمديد الجيش الإسرائيلي بالجنوب لتاريخ ١٨ شباط الجاري يبقى السؤال هل تفكر إسرائيل جديا بالانسحاب كليا من جنوب لبنان
منرجع عامحطة تشكيل الحكومة لا شك إنو مهمة الرئيس نواف سلام صعبة بتشبه المرور على أرض مهددة بالإنهيار خصوصا مع المنطق السائد بالمحاصصة والاختلاف على قاعدة كل شي ملك الدولة إلي فيه حصة وبين النزاع والنزاع راحت القصة المطلوب التنازل لمصلحة الوطن والتفكير بصيغة يربح بها لبنان اولا على كافة الصعد لازم تتشكل حكومة اختصاصيين من غير الأحزاب مع مراعاة المهل الدستورية ومع المهمة الشاقة يلي عم بيقودها الرئيس سلام لا بد ندعي ونتمنى التوفيق إلو بمسيرتو يلي من خلالها منعرف لوين واصلين ضمن تسويات المنطقة
