حوار بالعامية “تنذكر بس ما تنعاد ليش اللبنانيين اساتون بعاد”
فقرات أسبوعية يكتبها الاعلامي جلال فيتروني
٥٠ سنة مرقت عالحرب اللبنانية يا ترى شو ربحنا من هالحرب واستفدنا للأسف في بعد أطراف لبنانية عم تستحضر أجواء الحرب اللبنانية ومع إلغاء الشراكة الوطنية والحكم الآحادي
خمسين سنة وبوسطة عين الرمانة شاهدة على حقبة اشتعلت فيها الغرائز الطائفية والمذهبية وتهنا بجو الصراع والتقاتل الطوائفي إنما صوت العقل والحكمة كان بعيد عن مخيلتنا
وبوقت الانتهاكات الإسرائيلية للبنان مستمرة والمجتمع الدولي ما عم يبالي بلبنان والمصالح الأميريكية على سلم أولويات العهد الجديد
صارت الأمور مشربكة وما عاد المعنيين يقدرو يوقفو هالمهزلة
خمسين سنة انخطفت أرواح وغابت شخصيات والإقتصاد اللبناني في عزلة والاستثمارات لتنشيط لبنان الوطن والرسالة ضمن الشروط الأميريكية والصهيونية
ما تفكر نحنا منفكر عنك ما تختار نحنا منختار عنك عطينا عقيدتك الصحيحة لنبدل فيها وتصير راكبة عانغمة موالنا عصر الريبورت بلش والمقدرات بابها مفلس ما عم يقرو الموازنة وبعدو ماشي اسلوب المهادنة
خمسين سنة قطعت علينا أزمات وحروب وهروب لقدام أو لورا وبعدنا مسيرين مش مخيرين
سلام لهالبلد يلي تعب ولازم يرتاح من أخطاء المسؤولين وعثراتون
